ஆப்கானிஸ்தான் கிரிக்கெட் அணி ,ஒருநாள் சர்வதேச போட்டிகளில் கலந்து கொள்வதற்காக இன்று (22) காலை கட்டுநாயக்க விமான நிலையத்தை வந்தடைந்தனர்.
கிரிக்கெட் வீரர்கள் மற்றும் அதிகாரிகளை உள்ளடக்கிய 28 பேரைக்கொண்ட ஆப்கானிஸ்தான் கிரிக்கெட் அணி 2 குழுக்கள் என்ற ரீதியில் கட்டுநாயக்க விமான நிலையத்தை வந்தடைய உள்ளனர்.
இதில் முதலாவது குழு இன்று காலை 8.30 க்கு டுபாயில் இருந்து எமிரேட்ஸ் சேவை கே 650 விமானத்தில் கட்டுநாயக்க விமான நிலையத்தை வந்தடைந்தனர்.
14 பேரை கொண்ட மற்றொரு குழு இன்று காலை 10.40 க்கு விமான நிலையத்தை வந்தடைந்தது..
அப்கானிஸ்தான் கிரிக்கெட் அணி ,கண்டி பல்லேகல விளையாட்டு மைதானத்தில் எதிர்வரும் 25,27,30 ஆம் திகதிகளில் நடைபெறவுள்ள வரையறுக்கப்பட்ட 50 ஓவர் 3 ஒருநாள் சர்வதேச போட்டிகளில் கலந்துக்கொள்ளவுள்ளது.