ஹாலிவுட்டில் மிகப் பிரபலமான நடிகர் ஹக் ஜாக்மேன். எக்ஸ் மென், தி பிரஸ்டீஜ்’, தி வோல்வரின் உள்ளிட்ட பல படங்களில் இவர் நடித்துள்ளார். அவர் தேர்வு செய்து நடிக்கும் கதாபாத்திரங்களுக்காக நிறைய சர்வதேச அங்கீகாரத்தையும் பெற்றுள்ளார். தற்போது அவரது நடிப்பில் `டெட்பூல் 3’ படம் வெளியாகவுள்ளது. இந்நிலையில் சமீபத்தில் `ஜேம்ஸ் பாண்ட்’ கதாபாத்திரத்தில் நடிக்க வந்த வாய்ப்பை தான் நிராகரித்துவிட்டதாகத் தெரிவித்துள்ளார். இதுகுறித்து பேசிய அவர், “நான் தற்போது எக்ஸ்-மென் படங்களில் வோல்வரின் கதாபாத்திரத்தில் நடித்து வருகிறேன்.
டெட்பூல் 3’ படத்திலும் அந்தக் கேரக்டரில் நடித்திருக்கிறேன். இப்போது நான் ஜேம்ஸ் பாண்ட் கதாபாத்திரத்தில் நடிக்க ஆரம்பித்தால், வேறு கதைகளில் நடிக்க எனக்கு வாய்ப்பு கிடைக்காது. ஆக்ஷன் ஹீரோ கதையைக் கொண்ட ஜேம்ஸ் பாண்ட் கதாபாத்திரம், பல அமெரிக்கப் படங்களின் பழமையான விஷயம்தான் “. அதேநேரம் எனக்கு ஒரே விஷயத்தை செய்யவும் விருப்பமில்லை. ஏற்கனவே ஜேம்ஸ் பாண்டாக நடித்த டேனியல் கிரேக், `இனி அந்த கதாபாத்திரத்தில் நடிக்க மாட்டேன்!’ என்று கூறியதும் குறிப்பிடத்தக்கது.