உலக கோப்பை கால்பந்து தொடரில் தென் கொரியா அணிக்கு எதிரான போட்டியில் 3-2 என்ற கோல் கணக்கில் கானா அணி வெற்றியை சுவைத்துள்ளது.
வெற்றிபெற வேண்டிய கட்டாயம்
தென் கொரியா அணி உருகுவே அணிக்கு எதிரான முதல் போட்டியை டிரா செய்திருந்த நிலையில் நேற்று கானா அணியை எதிர்கொண்டது.
அதேபோல் கானா அணி போர்ச்சுகல் அணியிடம் 3-2 என்ற கோல் கணக்கில் தோல்வியை சந்தித்திருந்தது.
இதனால் கானா அணி வெற்றிபெற வேண்டிய கட்டாயம் ஏற்பட்டிருந்தது.
நிதானமாக விளையாடி வந்த கானா அணி, திடீரென 24வது நிமிடத்தில் முதல் கோலை அடித்து ஆச்சரியம் கொடுத்தது.
allgoals
அபார ஆட்டம்
இதுமட்டுமல்லாமல் அடுத்த 10 நிமிடங்களில் கானா அணிக்கு இரண்டாவது கோலும் கிடைத்தது. இரண்டாவது பாதியில் புதிய உத்வேகத்துடன் ஆடிய தென் கொரிய அணி 2 கோல்களை அடிக்க ஆட்டத்தில் சமநிலை ஏற்பட்டது.
இதற்கு கானா அணி பதிலடி கொடுக்குமா என்று எதிர்பார்க்கப்பட்ட நிலையில், ரசிகர்களின் எதிர்பார்ப்புக்கு ஏற்ப மீண்டும் முகமது குடுஸ் மூன்றாவது கோலை அடித்து முன்னிலை ஏற்படுத்தினார்.
இறுதிவரை தென் கொரியாவால் அடுத்த கோலை அடிக்க முடியாததால் எப்படியோ போராடி கானா வெற்றி பெற்றுள்ளது.
sportingnews