பொங்கலுக்கு வெளியாகும் விஜய்யின் ‘வாரிசு’ படத்தினை விட ‘தளபதி 67’ படத்தின் அறிவிப்பிற்காக தான் வெறித்தனமாக காத்திருக்கின்றனர் ரசிகர்கள். தமிழ், தெலுங்கு மொழியில் வம்சி பைடிபல்லி இயக்கத்தில் ‘வாரிசு’ படத்தில் நடித்து முடித்துள்ளார் விஜய். இந்தப்படத்தை தொடர்ந்து அவரின் 67 வது படத்தை லோகேஷ் கனகராஜ் இயக்கவுள்ளார்.
நெல்சன் திலீப்குமார் இயக்கத்தில் வெளியான ‘பீஸ்ட்’ படத்தை தொடர்ந்து ‘வாரிசு’ படத்தில் நடித்துள்ளார் விஜய். வம்சி பைடிபல்லி இயக்கத்தில் தில் ராஜு தயாரிப்பில் உருவாகியுள்ள இந்தப்படம் குடும்ப செண்டிமென்ட்டை மையமாக வைத்து உருவாகியுள்ளது. இந்தப்படத்தை பொங்கல் வெளியீடாக கொண்டு வருவதற்கான வேலைகள் மும்முரமாக நடந்து வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனை தொடர்ந்து லோகேஷ் கனகராஜுடன் இரண்டாவது முறையாக கூட்டணி அமைத்துள்ளார் விஜய். மாஸ்டர் படத்தின் வெற்றிக்கு பிறகு ‘தளபதி 67’ ல் இந்த கூட்டணி மீண்டும் இணைந்துள்ளது. ‘மாஸ்டர்’ படத்தில் விமர்சனரீதியாக எழுந்த சர்ச்சைகளை சரிகட்ட போவதாகவும், இந்தப்படம் ழுழுக்க தன்னுடைய பாணியில் இருக்க போவதாகவும் லோகேஷ் பேட்டிகளில் கூறி வருகிறார்.
மேலும் இந்தப்படத்தின் பூஜை அண்மையில் நடந்து முடிந்துள்ளது. ‘தளபதி 67’ படம் குறித்த அதிகாரப்பூர்வ அறிவிப்பே இன்னமும் வெளியாகாத நிலையில் விஜய்யின் 68 வது படம் குறித்த தகவல்கள் வெளியாகி ரசிகர்கள் மத்தியில் எதிர்பார்ப்பை கிளப்பி வருகிறது. சன் பிக்சர்ஸ் நிறுவனம் தயாரிக்கவுள்ள இந்த படத்தை அட்லி இயக்க இருப்பதாகவும் கூறப்படுகிறது.
Vanangaan: கழட்டிவிட்ட சூர்யா.. பாலா போடும் பலே திட்டம்: பரபரக்கும் கோலிவுட்.!
மேலும் இந்த படத்திற்கு இயக்குனர் அட்லிக்கு சம்பளமாக ரூபாய் 50 கோடி பேசப்பட்டுள்ளதாக கூறப்படுகிறது. அத்துடன் ‘தளபதி 68’ படத்திற்கு விஜய்க்கு 150 கோடி ரூபாய் சம்பளம் வழங்க இருப்பதாக தகவல்கள் வெளியாகியுள்ளன. ஏற்கனவே விஜய் நடிப்பில் தெறி, மெர்சல், பிகில் படங்களை இயக்கினார் அட்லி. இந்த மூன்று படங்களும் பாக்ஸ் ஆபிசில் மிகப்பெரிய வசூல் சாதனை படைத்து.
விஜய்யின் பேவரைட் இயக்குனராக கருத்தப்படும் அட்லி தற்போது ஷாருக்கான் நடிப்பில் ‘ஜவான்’ படத்தை இயக்கி வருகிறார். விஜய்யும் அடுத்ததாக ‘தளபதி 67’ படத்தில் நடிக்கவுள்ளார். இந்தப்படங்கள் முடிந்த பின்பு விஜய், அட்லி இணையும் ‘தளபதி 68’ படம் குறித்த அறிவிப்பு வெளியாகும் என எதிர்பார்க்கப்படுகிறது.
Soul Of Varisu: ‘வாரிசு’ படத்தின் தாலாட்டு பாடல்: கொண்டாட்டத்தில் ரசிகர்கள்.!