கஸ்டடி ரிலீஸ் தேதியை அறிவித்த வெங்கட் பிரபு
மங்காத்தா, மாநாடு உள்ளிட்ட படங்களை இயக்கிய வெங்கட் பிரபு தற்போது நாகசைதன்யா, கிர்த்தி ஷெட்டி, அரவிந்த்சாமி, ராதிகா ஆகியோர் நடிப்பில் கஸ்டடி என்ற படத்தை தமிழ், தெலுங்கில் இயக்கி வருகிறார். இளையராஜா , யுவன் சங்கர் ராஜா இணைந்து இசையமைக்கும் இந்த படத்தை சீனிவாசா சில்வர் ஸ்கிரீன் என்ற நிறுவனம் தயாரிக்கிறது.
காவல்துறை சம்பந்தப்பட்ட கதையில் உருவாகும் இதில் நாக சைதன்யா காவல்துறை அதிகாரியாக நடிக்கிறார். இப்படத்தின் படப்பிடிப்பு விறுவிறுப்பாக நடைபெற்று வரும் நிலையில் தற்போது படத்தின் ரிலீஸ் குறித்த ஒரு போஸ்டரை வெளியிட்டுள்ளார் இயக்குனர் வெங்கட் பிரபு. அதில், 2023ம் ஆண்டு மே 12ல் கஸ்டடி படம் திரைக்கு வருவதாக அதிகாரப்பூர்வமாக அறிவித்திருக்கிறார்.