தமிழக முதல்வர் மு.க ஸ்டாலின் இன்று திருச்சி அண்ணா விளையாட்டு அரங்கில் நடைபெற்ற அரசு விழாவில் கலந்துகொண்டார். முன்னதாக இன்று காலை தனி விமானம் மூலம் திருச்சி விமான நிலையம் வந்தடைந்த அவருக்கு அமைச்சர்கள், அதிகாரிகள், கழக நிர்வாகிகள், தொண்டர்கள் உற்சாக வரவேற்பு அளித்தனர்.
இந்த விழாவில் ஊரக வளர்ச்சித் துறை செயலாளர் அமுதா வரவேற்புரை வழங்கினார். அதனை தொடர்ந்து தமிழக முதல்வருக்கு நகராட்சி நிர்வாகத்துறை அமைச்சர் கே.என்.நேரு 7 அடி உயரமுள்ள வெள்ளி செங்கோல் வழங்கினார். பள்ளிக்கல்வித்துறை அமைச்சர் வெள்ளி கேடயம் மற்றும் பேருந்து வழங்கினார்.
அமைச்சர் உதயநிதி பேசும்போது, ” நான் அமைச்சராக பொறுப்பேற்று முதல்முறை திருச்சிக்கு வந்திருக்கிறேன். 1989 இல் கலைஞர் தர்மபுரியில் தொடங்கிய திட்டம் தான் மகளிர் சுய உதவி குழு. அதன்பின் 1996இல் மீண்டும் ஆட்சியை பிடித்தபோது தமிழகம் முழுவதும் 4 லட்சம் குழுக்களாக அது லளர்ந்தது.
நான் எப்போதுமே உங்கள் வீட்டு பிள்ளை, நான் அமைச்சராக, முதல்வரின் மகனாக இருப்பதில் அடையும் பெருமையை விட பொறுப்புள்ள உங்கள் வீட்டு பிள்ளையாக இருப்பதுதான் எனக்கு மகிழ்ச்சி. முதல்வர் நம்பிக்கையை நிச்சயம் காப்பாற்றுவேன்” என்று உறுதியளித்தார்.
தொடர்ந்து தமிழக முதல்வர் பேசியபோது, “மாரத்தான் வீரரான மா.சுப்பிரமணியன். தன்னுடைய துறையில் ஓடிய ஓட்டத்தின் பயன்தான் ‘மக்களை தேடி மருத்துவம்’ திட்டம் தொடங்கப்பட்டு ஒரு கோடி பேர் பயனடைந்துள்ளனர். அந்த 1 கோடியாவது பயனாளி திருச்சியை சேர்ந்தவர் என்பதால் அவரை இன்று நான் சந்திக்க உள்ளேன்.
அமைச்சரவைக்கு புதியவராக வந்துள்ள உதயநிதிக்கு இளைஞர் நலன், விளையாட்டுத் துறை, மகளிர் மேம்பாடு, வறுமை ஒழிப்பு, கிராமப்புற கடன் உள்ளிட்ட துறைகளை வழங்கி உள்ளோம். எனவே அவருடைய துறையை மிகச் சிறப்பாக மேம்படுத்துவார் என்று முதலமைச்சராக நம்பிக்கையுடன் எதிர்பார்க்கிறேன்.
தமிழகத்தில் 4 மண்டலங்களில் ஒலிம்பிக் அகாடமி உருவாக்கப்பட உள்ளது. இது கடந்த ஏப்ரல் 22 ஆம் தேதி சட்டமன்றத்தில் அறிவிக்கபட்டது. அவற்றில் ஒன்று திருச்சி மாவட்டத்தில் அனைத்து வசதிகளுடன்கூடிய ஒலிம்பிக் அகாடமி தொடங்கப்படும்.
இதுவரை தமிழகத்தில் நடை பெற்ற அரசு விழாக்கள் அனைத்தும் மக்கள் விழாவாக தான் நடைபெற்றுள்ளது. அந்த ஒவ்வொறு விழாக்களிலும் 1 லட்சம் மக்கள் நேரடியாக பயன்பெற்று வருகின்றனர்.
தமிழகத்தில் மொத்தம் 4லட்சத்து 38ஆயிரம் குழுக்கள் உள்ளன. அதில் 50 லட்சத்து 24ஆயிரத்து உறுப்பினர்கள் உள்ளனர். 2021-2022 நிதி ஆண்டில் சுய உதவி மகளீர் குழுக்களுக்கு 20ஆயிரம் கோடி கடன் வழங்க இலக்கு நிர்ணயிக்கப்பட்டது. ஆனால் 21,392 கோடி கடன் வழங்கப்பட்டுள்ளது. இதன் மூலம் 52 லட்சம் பேர் பயனடைந்துள்ளனர்.
2022-23 நிதி ஆண்டில் 25 ஆயிரம் கோடி கடன் வழங்க இலக்கு நிர்ணயிக்கப்பட்டது. இந்த மாதம் 16 ஆம் தேதி வரை 14.25 ஆயிரம் கோடி கடன் வழங்கப்பட்டுள்ளது. மீதம் உள்ள தொகையையும் கடனாக வழங்கப்படும்.
சிறப்பாக செயல்படும் மகளீர் சுய உதவி குழுக்களை ஊக்கப்படத்த கடந்த 2007 ஆம் ஆண்டு ‘மணிமேகலை விருது’ அறிவிக்கப்பட்டது. இந்த ஆண்டு 33 அமைப்புகளுக்கு இந்த விருது வழங்கப்படுகிறது.
2008-09 ஆம் ஆண்டில் இருந்து சிறந்த வங்கியாளர் விருது வழங்கப்பட்டு வருகிறது. அதில் கடந்த ஆண்டுகளில் கொரோனா நோய் தொற்றால் விருது வழங்கபடவில்லை. இன்று 8 வங்கிகளுக்கு சிறந்த வங்கியாளர் விருது வழங்கபட்டது.
கடந்த காலங்களில் பெய்த மழையில், அடித்த புயலில் எந்தவித பாதிப்பையும் பொதுமக்கள் உணராத அளவிற்கு திராவிட மாடல் ஆட்சி பணியாற்றி உள்ளது. இதை யாரும் பாராட்ட வேண்டும் என்பதற்காக கூறவில்லை. கடந்த ஓராண்டில் ஏறத்தாழ 8549கி.மீ தூரம் பயணம் செய்துள்ளேன். அதில் மொத்தம் 647 நிகழ்ச்சிகளில் பங்கேற்றுள்ளேன்.
இவற்றில் அரசு விழா 551, கட்சி விழா 96. இந்த நிகழ்ச்சிகள் மூலம் ஒரு கோடியே மூன்று லட்சத்து 74 ஆயிரத்து 355 பேர் நேரடியாக பயனடைந்துள்ளனர். பொதுவாக ஏழையின் சிரிப்பில் இறைவனை காண்பதாக பழமொழி கூறுவார்கள் ஆனால் நான் எனக்கென்று ஒரு அளவுகோல் வைத்துள்ளேன் அதில் ஏழையின் சிரிப்பிலும் இந்த மகளிரின் முகத்தில் மகிழ்ச்சியையும் அண்ணாவையும் கலைஞரையும் காண்கிறேன். அதுதான் நான் வைத்திருக்கும் அளவுகோல்,
எனவே அமைச்சராக பொறுப்பேற்று இருக்கக்கூடிய உதயநிதிக்கு என்னுடைய அன்பான வேண்டுகோள் இந்த மகளிர் எப்போதும் உயர்ந்து இருக்க வேண்டும் அவர்களின் வாழ்க்கைத் தரம் மேம்பட வேண்டும் எனவே புதிய அமைச்சர் சிறப்பாக செயல்பட வேண்டும் என்று வேண்டுகோள் வைக்கிறேன் என்று முதல்வர் ஸ்டாலின் கூறினார்.
பின்னர் ரூ.655 கோடி மதிப்பீட்டிலான 5,639 புதிய திட்டப் பணிகளை தொடங்கி வைத்தார். மேலும் ரூ.308 கோடி மதிப்பீட்டிலான 5951 புதிய திட்டப் பணிகளுக்கு அடிக்கல்
நாட்டினார். அதனை தொடர்ந்து ரூ.79 கோடி மதிப்பீட்டிலான 22,716 பயனாளிகளுக்கு நலத் திட்ட உதவிகளையும் முதவ்வர் வழங்கினார். அதில் 4,000 மகளிர் சுய உதவிக்குழுவினருக்கு சுழல்நிதியும், கடன் உதவியும் வழங்கினார்.
இந்த நிகழ்ச்சியில் இளைஞர் நலன் மற்றும் விளையாட்டு துறை அமைச்சர்
, பள்ளிகல்வித் துறை அமைச்சர் அன்பில் மகேஷ் பொய்யாமொழி, மருத்துவம் மற்றும் சுகாதாரத் துறை அமைச்சர் மா.சுப்பிரமணியன், தொழில்துறை அமைச்சர் தங்கம் தென்னரசு, பத்திரப்பதிவு துறை அமைச்சர் மூர்த்தி, திருச்சி மாவட்ட ஆட்சித் தலைவர் பிரதீப் குமார், மாநகராட்சி ஆணையர் வைத்திநாதன், எம்.பிக்கள் திருநாவுக்கரசர், ஜோதிமணி, திருச்சி சிவா, சட்டமன்ற உறுப்பினர்கள் சௌந்தரபாண்டியன், கதிரவன்,ஸ்டாலின் குமார், தியாகராஜன், பழனியாண்டி, அப்துல்சமது, இனிகோ இருதயராஜ், மாமன்ற உறுப்பினர்கள் அரசு அதிகாரிகள் உள்ளிட்ட பலர் கலந்து கொண்டனர்.
அதனைத் தொடர்ந்து மணப்பாறை அருகே மொண்டிப்பட்டியிலுள்ள டிஎன்பிஎல் சென்ற முதலமைச்சர் மு.க.ஸ்டாலின், அங்கு புதிய காகித ஆலையை தொடங்கி வைத்தார்.