சிட்னி, ஆஸ்திரேலியாவில் சுற்றுலா தலம் ஒன்றில், நடுவானில் இரண்டு ஹெலிகாப்டர்கள் மோதிக்கொண்டதில், நான்கு பேர் பலியாகினர்; மூன்று பேர் படுகாயம் அடைந்தனர்.
பசிபிக் கடல் தீவு நாடான ஆஸ்திரேலியாவில், கோல்ட் கோஸ்ட் கடற்கரை பகுதியில், ‘சீ வேர்ல்ட்’ என்ற பொழுதுபோக்கு பூங்கா உள்ளது.
இங்கு, புத்தாண்டு மற்றும் விடுமுறையை கொண்டாட, நேற்று ஏராளமானோர் குவிந்தனர். இவர்கள் பயணிக்க, பொழுதுபோக்கு பூங்கா சார்பில் ஹெலிகாப்டர் வசதி செய்யப்பட்டிருந்தது.
இந்நிலையில், சுற்றுலா பயணியருடன் வந்த ஹெலிகாப்டர் ஒன்று, கடற்கரை பகுதியில் தரையிறங்க முயன்றபோது, அங்கிருந்து புறப்பட்ட மற்றொரு ஹெலிகாப்டர் மீது பயங்கரமாக மோதியது.
இதில், சுற்றுலா பயணியர் நான்கு பேர் பரிதாபமாக பலியாகினர்.
படுகாயங்களுடன் மீட்கப்பட்ட மூன்று பேர், ஆபத்தான நிலையில் மருத்துவமனையில் அனுமதிக்கப்பட்டு உள்ளனர். இதற்கிடையே, விபத்து நடந்த பகுதியில் ஆய்வு மேற்கொண்ட அதிகாரிகள், உடைந்த ஹெலிகாப்டர்களின் பாகங்களை வைத்து விசாரணை நடத்தி வருகின்றனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement