சந்தீப் கிஷனின் ‛மைக்கேல்' பட ரிலீஸ் தேதி வெளியானது
தெலுங்கு நடிகர் சந்தீப் கிஷன் தற்போது இயக்குனர் அருண் மாதேஸ்வரன் இயக்கத்தில் தனுஷ் கதாநாயகனாக நடிக்கும் கேப்டன் மில்லர் படத்தில் முன்னணி கதாபாத்திரத்தில் நடித்து வருகிறார். மேலும் ரஞ்சித் ஜெயக்கொடி இயக்கத்தில் சந்தீப் கிஷன் கதாநாயகனாக நடித்துள்ள திரைப்படம் மைக்கேல். விஜய் சேதுபதி, கௌதம் வாசுதேவ் மேனன், வரலக்ஷ்மி சரத்குமார், திவ்யான்ஷா கௌஷிக் மற்றும் வருண் சந்தேஷ் ஆகியோர் முக்கிய வேடத்தில் நடித்திருக்கும் இந்த படத்திற்கு சாம் சிஎஸ் இசையமைத்துள்ளார்.
அதிரடி ஆக்ஷன் படமாக தயாராகும் மைக்கேல் தமிழ், தெலுங்கு, மலையாளம், கன்னடம், ஹிந்தி உள்ளிட்ட 5 மொழிகளில் ரிலீஸாகவுள்ளது. சமீபத்தில் இப்படத்தின் டீசர் வெளியானது. இந்நிலையில் இப்படத்தி ரிலீஸ் தேதியை அறிவித்துள்ளனர். அதன்படி வரும் பிப்ரவரி 3ல் படம் வெளியாகவுள்ளது. இதுகுறித்த புதிய போஸ்டர் ஒன்றையும் வெளியிட்டுள்ளனர்.