மத்தியில் மட்டுமல்ல. தமிழகத்திலும் அடுத்த பெரிய தேர்தல் என்றால் 2024 மக்களவை தேர்தல் தான். பிரதமர் மோடிக்கு மட்டுமல்ல. தனது இருப்பை உறுதி செய்ய எடப்பாடி பழனிசாமிக்கும் முக்கியமான தேர்தல். ஆனால் இரட்டை தலைமை, ஒற்றை நாற்காலி, அணிகள் பிளவு, நீதிமன்ற வழக்குகள், தேர்தல் ஆணைய அங்கீகாரம் என
தரப்பிற்கும்,
தரப்பிற்கும் இடையில் அனல் பறக்கும் மோதல் நடந்து கொண்டிருக்கிறது.
திமுக அரசுக்கு கண்டனம்
இவ்வளவு சிக்கலுக்கு மத்தியில் அடுத்த பெரிய தேர்தலை எடப்பாடி பழனிசாமி எப்படி எதிர்கொள்ளப் போகிறார் என்பது மில்லியன் டாலர் கேள்வியாக முன்வந்து நிற்கிறது. இந்த சூழலில் திமுக அரசை கண்டித்து கோவையில் முன்னாள் அமைச்சர் எஸ்.பி.வேலுமணி முன்னிலையில் நடந்த ஆர்ப்பாட்டம் கவனம் பெற்றது. விலைவாசி உயர்வை கண்டித்தும், திமுக அரசின் செயல்பாடுகளை கண்டித்தும் கோஷங்கள் எழுப்பினர். அப்போது பேசிய வேலுமணி, போட்டோஷூட் நடத்தும் முதல்வர் மு.க.ஸ்டாலின், அதிமுகவின் திட்டங்களுக்கு ஸ்டிக்கர் ஒட்டும் திமுக அரசு,
தேர்தல் வெற்றி உறுதி
மக்களை வதைக்கும் விலைவாசி உயர்வு, நிறைவேற்றாத திமுகவின் தேர்தல் வாக்குறுதிகள் ஆகியவற்றை சுட்டிக் காட்டினர். மேலும் பேசுகையில், வரும் மக்களவை தேர்தலில் எடப்பாடி தலைமையில் அனைத்து தொகுதிகளிலும் வென்று காட்டுவோம். இதையடுத்து 2026 சட்டமன்ற தேர்தலிலும் அதிமுக மிகப்பெரிய வெற்றி பெறும் என்று நம்பிக்கை தெரிவித்தார். வேலுமணியை பொறுத்தவரை எடப்பாடி பழனிசாமிக்கு மிகவும் நெருக்கமான நபர். கிட்டதட்ட வலது கை போன்று செயல்படக் கூடியவர்.
எஸ்.பி.வேலுமணி வியூகம்
எடப்பாடி போடும் திட்டங்களை கொஞ்சம் கூட பிசுறாமல் செய்பவர். வரும் 2024 மக்களவை தேர்தலில் கோவையில் எப்படியாவது வெற்றி பெற்று எடப்பாடி பழனிசாமிக்கு அதை சமர்பிக்க வேண்டும் என்று திட்டமிட்டுள்ளார். கடந்த 2019 மக்களவை தேர்தலில் கோவை மட்டுமின்றி கிட்டதட்ட ஒட்டுமொத்த தமிழகமும் திமுக வசம் சென்றுவிட்டது. இதை மீட்டெடுக்க வேலுமணி போன்ற இரண்டாம் கட்ட தலைவர்களின் செயல்பாடுகள் மிகவும் அவசியம்.
தீராத அதிமுக தலைவலி
ஆனால் அதிமுகவில் நடந்து வரும் ஒற்றை தலைமைக்கான போராட்டம் எந்த அளவிற்கு தேர்தல் வெற்றியை பெற்று தரும்? யார் தலைமையில் தேர்தலில் அதிமுக போட்டியிடும்? கூட்டணி கட்சிகளின் நிலை என்ன? யாருடன் கூட்டணி வைப்பார்கள்? என பல்வேறு கேள்விகள் எழுகின்றன. உதாரணமாக கூட்டணிக்கான பேச்சுவார்த்தையை கட்சிகள் யாரிடம் தொடங்கும். எடப்பாடி பழனிசாமியா? ஓ.பன்னீர்செல்வமா? கட்சியின் இடைக்கால பொதுச் செயலாளர் எடப்பாடி பழனிசாமி என்று தொடர்ந்து கூறி வருகின்றனர்.
கடைசியில் நடந்த ட்விஸ்ட்
இதற்கு வலு சேர்க்கும் வகையில் மத்திய அரசு, இந்திய தேர்தல் ஆணையம் ஆகியவை எழுதிய கடிதங்கள் அமைந்தன. ஆனால் கடைசியாக தமிழக தலைமை தேர்தல் அதிகாரியிடம் இருந்து வந்த கடிதம் பெரிய ட்விஸ்டாக அமைந்துவிட்டது. அதில் ஒருங்கிணைப்பாளர், இணை ஒருங்கிணைப்பாளர் எனக் குறிப்பிடப்பட்டிருந்தது. இது ஓ.பன்னீர்செல்வம் தரப்பிற்கு சாதகமாக மாறியுள்ளது.
ஒற்றை தலைமை
இதனால் அதிமுகவின் ஒற்றை தலைமைக்கான சர்ச்சை மீண்டும் அனல் பறக்க தொடங்கியுள்ளது. இந்த விஷயத்தில் முதலில் முடிவு தெரிய வேண்டும். அப்படி செய்தால் தான் வேலுமணி முதல் கடைக்கோடி தொண்டர்கள் வரை 2024 மக்களவை தேர்தலுக்காக செய்யும் வேலைகள் முழுமையான பயனைத் தரும் என்கின்றனர் அரசியல் பார்வையாளர்கள்.