ஏறக்குறைய இரண்டு ஆண்டுகளுக்கு முன்பு, அதாவது கடந்த 2021 பிப்ரவரி 1ம் தேதி நோபல் பரிசு பெற்ற ஆங் சாங் சூகி தலைமையிலான ஜனநாயக ரீதியில் தேர்ந்தெடுக்கப்பட்ட அரசாங்கத்திடம் இருந்து மியான்மர் ராணுவம் அதிகாரத்தைக் கைப்பற்றியது. அதைத் தொடர்ந்து தென்கிழக்கு ஆசிய நாடான மியான்மர், சர்வதேச தனிமைப்படுத்தல் மற்றும் மேற்கத்திய தலைமையிலான தடைகளை எதிர்கொண்டது.
மியான்மரில் ராணுவம் ஆட்சியைப் பிடித்ததில் இருந்து மியான்மர் குழப்பத்தில் உள்ளது. ஆங் சாங் சூகி மற்றும் மற்ற அதிகாரிகளையும் காவலில் ராணுவம் வைத்தது. ஆதேபோல் ஜனநாயகத்திற்கு ஆதரவான போராட்டங்கள் மற்றும் கருத்து வேறுபாடுகளுக்கு மிருகத்தனமான சக்தியுடன் பதிலளித்து, நூறாயிரக்கணக்கான மக்களை இடம்பெயரச் செய்தது.
இரத்தம் தோய்ந்த ஒடுக்குமுறைகளுக்குப் பிறகு தெருப் போராட்டங்கள் இப்போது அரிதாக இருந்தாலும், ராணுவம் சிறுபான்மை இன சக்திகளுடன் கிட்டத்தட்ட தினசரி மோதல்களில் ஈடுபட்டுள்ளது மற்றும் பாதுகாப்பின்மை நாடு முழுவதும் பரவியுள்ளது.
இதற்கிடையில், ஆங் சாங் சூகி சமீபத்தில் ஐந்து ஊழல் குற்றச்சாட்டுகளுக்குத் தண்டிக்கப்பட்டு மேலும் ஏழு ஆண்டுகள் சிறையில் அடைக்கப்பட்டார. அதன் ஆட்சிக்கு பரவலான உள்நாட்டு எதிர்ப்பிற்கு மத்தியில் ராணுவ ஆட்சிக்குழுவின் மிகப்பெரிய அச்சுறுத்தலைத் தடுக்க வடிவமைக்கப்பட்ட ஒரு ஏமாற்று நாடகம் என்று சர்வதேச அளவில் கண்டனம் செய்யப்பட்டது. சூகி நேபிடாவில் உள்ள தனிமைச் சிறையில் அடைக்கப்பட்டுள்ளார்.
இந்தநிலையில் மியான்மரின் ராணுவ அரசாங்கம், நாட்டின் சுதந்திர தினத்தைக் குறிக்கும் வகையில் பொது மன்னிப்பின் கீழ் 7,012 கைதிகளை விடுவிக்கும் என்று தெரிவித்துள்ளது. அதேபோல் ராணுவத் தலைவர் தனது தேசத்திற்கு ஆதரவைப் பேணுவதற்கு சில நாடுகளை பாராட்டினார்.
“எல்லா அழுத்தங்கள், விமர்சனங்கள் மற்றும் தாக்குதல்களுக்கு மத்தியிலும், எங்களுடன் சாதகமாக ஒத்துழைத்த சில சர்வதேச மற்றும் பிராந்திய நாடுகள், அமைப்புகள் மற்றும் தனிநபர்களுக்கு நான் நன்றி கூற விரும்புகிறேன்” என்று மூத்த ஜெனரல் மின் ஆங் ஹ்லைங் மியான்மரின் 75வது சுதந்திர தின உரையில் கூறினார்.
கோவையில் மாவட்ட சுகாதாரப் பேரவை கூட்டம்!
‘‘சீனா, இந்தியா, தாய்லாந்து, லாவோஸ் மற்றும் பங்களாதேஷ் போன்ற அண்டை நாடுகளுடன் நாங்கள் நெருக்கமாக பணியாற்றி வருகிறோம். எல்லை ஸ்திரத்தன்மை மற்றும் மேம்பாட்டிற்காக நாங்கள் ஒன்றிணைந்து செயல்படுவோம்,” என்று மின் ஆங் ஹ்லைங் தலைநகர் நய்பிடாவில் நடந்த ராணுவ அணிவகுப்பில் உரையாற்றினார்.
சீனா மற்றும் வடகொரியா சென்று தாக்கும் ஏவுகணைகள்; ஜாப்பான் அதிரடி.!
பிரிட்டிஷ் ஆட்சியில் இருந்து மியான்மர் சுதந்திரம் அறிவித்த நாளைக் குறிக்கும் வகையில் அதிகாரிகள் பொதுவாக சில கைதிகளை விடுவிப்பார்கள். சமீபத்திய பொது மன்னிப்பில் கொலை மற்றும் கற்பழிப்பு குற்றவாளிகள் அல்லது வெடிபொருட்கள், சட்டவிரோத தொடர்பு, ஆயுதங்கள், போதைப்பொருட்கள் மற்றும் ஊழல் தொடர்பான குற்றச்சாட்டுகளுக்காக சிறையில் அடைக்கப்பட்டவர்கள் இதில் சேர்க்கப்பட மாட்டார்கள் என்று தெரிவிக்கப்பட்டுள்ளது.