தமிழக முன்னாள் முதல்வர்
. இவரது தாயார் பழனியம்மாள் (96). இவருக்கு திடீரென உடல் நலக்குறைவு ஏற்பட்டதால் தேனியில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டு உள்ளார். அங்கு அவருக்கு போதுமான மருத்துவ பரிசோதனைகள் மேற்கொள்ளப்பட்டு தீவிர சிகிச்சைகள் அளிக்கப்பட்டு வருகிறது.
பல ஆண்டுகளாக தொடர்ந்து உடல் நலக் குறைவால் அவதிப்பட்டு வரும் பழனியம்மாள் கடந்த வாரம் மதுரையில் இருக்கும் பிரபல தனியார் மருத்துவமனையில் சிகிச்சைக்கு அனுமதிக்கப்பட்டு சிகிச்சை பெற்று வீடு திரும்பினார்.
இந்த நிலையில் இன்று பிற்பகல் அவருக்கு மீண்டும் உடல் நலக்குறைவு ஏற்பட்டுள்ளது. சர்க்கரை அளவு ரத்த அழுத்தமும் மிகவும் குறைந்ததால் உடல் நிலை மிகவும் மோசமான நிலையில் தேனியில் உள்ள தனியார் மருத்துவமனையில் அனுமதிக்கப்பட்டு அங்கு அவருக்கு தீவிர சிகிச்சை அளிக்கப்பட்டு வருகிறது.
இதுகுறித்து தகவல் அறிந்ததும் ஓ.பன்னீர்செல்வத்தின் சகோதரர் ஓ.ராஜா உள்ளிட்ட ஓபிஎஸ் குடும்பத்தினர் அனைவரும் தற்போது மருத்துவமனையில் முகாமிட்டு பழனியம்மாள் உடல் நிலையை தீவிரமாக கண்காணித்து வருகின்றனர்.
தாயாரின் உடல் நலக்குறைவு குறித்து ஓ.பன்னீர்செல்வத்திற்கு தகவல் அளிக்கப்பட்ட நிலையில் அவர் சென்னையில் இருந்து அவசரமாக சாலை மார்க்கமாக ஊருக்கு திரும்பி வந்து கொண்டு இருக்கிறார். இன்னும் சற்று நேரத்தில் மருத்துவமனைக்கு வந்து அவரது தாயாரை சந்திக்க உள்ளதாக கூறப்படுகிறது.
இதுதொடர்பாக தகவல் அறிந்து மருத்துவமனை வளாகம் மற்றும் சுற்றியுள்ள பகுதிகளில் அதிமுக ஓபிஎஸ் அணி மாவட்ட செயலாளர் சையதுகான் உள்ளிட்ட சுமார் 20க்கும் மேற்பட்ட முக்கியமான நிர்வாகிகள் கவலையுடன் காத்திருக்கின்றனர்.