சென்னையில் 46வது புத்தகத் திருவிழா இன்று தொடங்க உள்ளது. சென்னை நந்தனம் ஒய்.எம்.சி.ஏ மைதானத்தில் தென்னிந்திய புத்தக விற்பனையாளர்கள் மற்றும் பதிவாளர்கள் சங்கத்தின் சார்பில் புத்தகத் திருவிழா ஏற்பாடு செய்யப்பட்டுள்ளது. இந்த புத்தகத் திருவிழாவிற்காக 1000 அரங்குகள் அமைக்கப்பட்டுள்ளது. இன்று தொடங்கும் சென்னை புத்தகத் திருவிழா வரும் ஜனவரி 22ஆம் தேதி வரை நடைபெறும் என அறிவிக்கப்பட்டுள்ளது.
இந்த புத்தகத் திருவிழாவில் உலக அளவில் புகழ்பெற்ற புத்தகங்களும் இடம்பெற உள்ளன. குறிப்பாக இந்த புத்தக கண்காட்சியில் இலங்கை மற்றும் சிங்கப்பூர் பதிப்புகளும் இடம்பெறும் என தென்னிந்திய புத்தக விற்பனையாளர்கள் மற்றும் பதிவாளர்கள் சங்கம் அறிவித்துள்ளது. இந்த புத்தகத் திருவிழாவை தமிழக முதல்வர் மு.க ஸ்டாலின் இன்று தொடங்கி வைக்கிறார்.