கடந்த 2011 தேர்தலின்போது மேலூர் வட்டாட்சியரை தாக்கியத் தொடர்பான வழக்கில் முன்னாள் மத்திய இணை அமைச்சர் மு.க அழகிரி உள்ளிட்ட 21 பேர் இது வழக்கு பதிவு செய்யப்பட்டது. இந்த வழக்கு மாவட்ட நீதிமன்றத்தில் நடைபெற்று வந்தது.
இந்த வழக்கு விசாரணை தொடர்பாக, மதுரை மாவட்ட நீதிமன்றத்தில் உள்ள நடுவர் நீதிமன்றம் ஒன்றில் மு.க அழகிரி உள்ளிட்ட 19 பேர் இன்:று நேரில் ஆஜராகினர்.
வழக்கை விசாரித்த நீதிபதி வட்டாட்சியரை தாக்கியது தொடர்பான வழக்கை வருகின்ற பிப்ரவரி 1 ஆம் தேதிக்கு ஒத்திவைத்தார்.
பின்னர் வெளியில் வந்த மு.க அழகிரியிடம் திமுகவின் செயல்பாடுகள் குறித்து செய்தியாளர்கள் கேள்வி எழுப்பினர். அதற்கு “மு.க அழகிரி நீதிமன்றத்துக்குள் அது குறித்து பேசக்கூடாது” என்று கூறிவிட்டு சென்றார்.
லஞ்ச விஏஓவுக்கு ஜாமீன்
: பட்டா வழங்க ரூ.10,000 லஞ்சம் பெற்றதாக கைது செய்யப்பட்ட விருதுநகர் பெண் கிராம நிர்வாக அலுவலருக்கு (VAO) நிபந்தனையுடன் ஜாமீன் வழங்கி உயர் நீதிமன்ற மதுரைக்கிளை உத்தரவிட்டுள்ளது.
குற்றம்சாட்டப்பட்ட கிராம நிர்வாக அதிகாரி தினந்தோறும் காலை சம்பந்தப்பட்ட காவல் நிலையத்தில் ஆஜராகி கையெழுத்திட வேண்டும். நீதிமன்ற நிபந்தனைகளை மீறினால் புதிய வழக்கு பதிவு செய்யலாம் எனவும் நீதிமன்றம் உத்தரவிட்டுள்ளது..
விருதுநகர் பகுதியில் கிராம நிர்வாக அலுவலராக பணியாற்றி வந்த உமாபதி என்பவர், லஞ்சம் பெற்றதாக கைது செய்யப்பட்ட வழக்கில் ஜாமின் கோரி உயர் நீதிமன்ற மதுரைக் கிளையில் மனு செய்திருந்தார். இந்த மனு நீதிபதி ஜெகதீஷ் சந்திரா முன்பு விசாரணைக்கு வந்தது.
அரசு தரப்பில், ஆஜரான வழக்கறிஞர், *பட்டா பெறுவதற்காக ரூ.10,000 லஞ்சம் பெற்றபோது மனுதாரர் நேரடியாக கைது செய்யப்பட்டுள்ளார். எனவே ஜாமின் வழங்கக் கூடாது” என கடும் எதிர்ப்பு தெரிவித்தார்.
இதனையடுத்து நீதிபதி, “மனுதாரர் தினமும் சம்பந்தப்பட்ட காவல் நிலையத்தில் ஆஜராகி கையெழுத்திட வேண்டும். சாட்சியங்களை கலைக்கும் நோக்குடன் செயல்படக்கூடாது. ஜாமினில் இருக்கும் நாட்களில் வேறு தவறுகளில் ஈடுபடக்கூடாது. போன்ற பல்வேறு நிபந்தனையுடன் ஜாமின் வழங்கி உத்தரவிட்டார்.
மேலும் மனுதாரர் சம்பந்தப்பட்ட காவல் நிலையத்தில் நேரில் ஆஜராக தவறினால் அவர் மீது புதிய வழக்குப் பதிவு செய்திடலாம் என்றும் நீதிபதி உத்தரவிட்டார்.