சென்னை: கசடு, கழிவுகளை அப்புறப்படுத்தும் பணிவிதிகளை மீறினால் ரூ.25,000 அபராதம் விதித்து, சட்ட விதிகளைத் திருத்தி தமிழக அரசு உத்தரவிட்டு உள்ளது. அதன்படி தனியார் லாரிகள் கழிவுநீரை கண்ட இடத்தில் ஊற்றினால் ரூ.25 ஆயிரம் அபராதம் விதிக்கப்படும் என எச்சரிக்கை விடுக்கப்பட்டுள்ளது. சென்னை போன்ற நகர்ப்புறங்களில் வீடுகள் மற்றும் நிறுவனங்களில் இருந்து தனியார் கழிவுநீர் அகற்றும் நிறுவனங்கள் மூலம் அகற்றப்படும் கசடு, கழிவுகள் ஆங்காங்கே சாலையோரங்களில் கொட்டப்படுகிறது. இதனால், சுற்றுச்சூழல் பாதிக்கப்பட்டு, நோய் பரவும் நிலை உருவாகிறது. […]
