ராமநாதபுரம்: ராமநாதபுரம் மாவட்டம், மண்டபம் கோயில்வாடி கடற்பகுதியில் இருந்து கடந்த 4ம் தேதி காலை 100க்கும் மேற்பட்ட விசைப்படகுகள் மீன் பிடிக்கச் சென்றன. மறுநாள் மண்டபம் ஆல்வின் என்பவரது விசைப்படகு கரை திரும்பவில்லை. மீனவர்கள் முருகானந்தம்(45), கோவிந்தசாமி (50), கண்ணன்(40), ஜான்(30) ஆகியோர் படகுடன் கரை திரும்பாததால் அவர்கள் உறவினர்கள் கவலை அடைந்தனர். இந்நிலையில், கோயில்வாடி மீன்பிடி தளத்தில் இருந்து மீனவர்களை 2 படகுகளில் சக மீனவர்கள் தேடிச்சென்றனர். நெடுந்தீவு அருகே இன்ஜின் பழுதாகி கரை ஒதுங்கி நின்ற படகையும், மீனவர்களையும் மீட்டு, நேற்று முன்தினம் இரவு ராமேஸ்வரம் கொண்டு வந்து சேர்த்தனர்.
