ஐ.எஸ்.எல் கால்பந்து: கேரளாவை வீழ்த்தி மும்பை சிட்டி வெற்றி

மும்பை,

11 அணிகளுக்கு இடையிலான 9-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடந்து வருகிறது. இதில் மும்பையில் இன்று நடைபெற்ற போட்டியில் கேரளா பிளாஸ்டர்ஸ் – மும்பை சிட்டி அணிகள் மோதின.

இந்த போட்டியில் மும்பை சிட்டி அணி சார்பில் ஜார்ஜ் ஆட்டத்தின் 4 மற்றும் 22-வது நிமிடத்தில் என இரண்டு கோல்கள் அடித்தார். கிரெக் ஸ்டீவர்ட் ஆட்டத்தின் 10-வது நிமிடத்தில் ஒரு கோல் அடித்தார். மேலும் பிபின் சிங் ஆட்டத்தின் 16 நிமிடத்தில் ஒரு கோல் அடித்தார்.

கேரளா பிளாஸ்டர்ஸ் அணி எந்த கோலும் அடிக்கவில்லை. இதையடுத்து ஆட்டநேர முடிவில் மும்பை சிட்டி அணி 4-0 என்ற கோல் கணக்கில் கேரளா பிளாஸ்டர்ஸ் அணியை வீழ்த்தி வெற்றி பெற்றது.