திருமலை திருப்பதியில் வீற்றிருக்கும் ஏழுமலையானை நாள்தோறும் லட்சக்கணக்கான பக்தர்கள் தரிசித்து வருகின்றனர். பக்தர்கள் வசதிக்காக பல்வேறு ஏற்பாடுகளை தேவஸ்தானம் செய்து வருகிறது. அந்த வகையில், திருப்பதி ஏழுமலையானை தரிசிக்க வரும் பக்தர்கள், தங்க வசதியாக திருமலையில் 7,000 அறைகள் வாடகைக்கு விடப்படுகின்றன.
அறைகளின் வசதிக்கு ஏற்ப அதற்கான வாடகை கட்டணங்கள் நிர்ணயிக்கப்பட்டிருந்தன. இதனிடையே, சேதமடைந்த அறைகள் ரூ.110 கோடி செலவில் திருமலை தேவஸ்தானம் சார்பில் அண்மையில் சீரமைக்கப்பட்டன.
இந்த நிலையில், திருப்பதி திருமலையில் பக்தர்கள் தங்கும் அறைகள் வாடகை பல மடங்கு உயர்த்தப்பட்டுள்ளது. அதன்படி, கவுஸ்தபம், நந்தகம், பாஞ்ச ஜன்யம், வகுலமாதா தங்கும் அறைகள் வாடகை ரூ.600 லிருந்து ரூ.1000 ஆக உயர்த்தப்பட்டுள்ளது.
அதேபோல், நாராயணகிரி தங்கும் விடுதிகளில் ரூ. 150 லிருந்து ரூ. 750 ஆக வாடகை உயர்த்தப்பட்டு உள்ளது. நாராயணகிரி- 4 விடுதிகளில் ஒவ்வொரு அறையும் ரூ.750 இல் இருந்து ரூ. 1,700 ஆக உயர்த்தப்பட்டுள்ளன. அதேபோல், கார்னர் சூட் வாடகை ரூ. 2,200ஆக உயர்த்தப்பட்டுள்ளது. ஸ்பெஷல் டைப் காட்டேஜ் வகைகள் ரூ. 750இல் இருந்து ரூ. 2,800 ஆக உயர்த்தப்பட்டுள்ளது.
இந்தநிலையில் திருப்பதியில் நேற்று 67,169 பேர் தரிசனம் செய்தனர். 21,222 பக்தர்கள் முடி காணிக்கை செலுத்தினர். ரூ.3.86 கோடி உண்டியல் காணிக்கை வசூலானது. இந்தநிலையில் திருப்பதி தரிசன ரூ.300 கட்டண ஆன்லைன் தரிசன் டிக்கெட் இன்று வெளியிடப்பட்டது.
திருப்பதி தேவஸ்தான இணையதளத்தில் ரூ.300 கட்டண ஆன்லைன் தரிசன டிக்கெட் இன்று காலை 9 மணிக்கு வெளியிடப்பட்டது. தினமும் 25 ஆயிரம் பக்தர்கள் தரிசனம் செய்யும் வகையில் வரும் 12ஆம் தேதி முதல் 31ஆம் தேதி வரை 20 நாட்களுக்கான 5 லட்சம் டிக்கெட்டுகள் வெளியிடப்பட்டன.
ராகுல் டிஷர்ட் குறித்து ஆய்வு செய்பவர்களே..? சத்தீஸ்கர் முதல்வர் காட்டம்.!
பிப்ரவரி மாதத்திற்கு 28 நாட்களுக்கான 7 லட்சம் தரிசன டிக்கெட்டுகள் என மொத்தம் 12 லட்சம் டிக்கெட்டுகள் வெளியிடப்பட்டது. நாளை காலை பிப்ரவரி 28ஆம் தேதி வரைக்குமான தங்கும் அறை வாடகை முன்பதிவு ஆன்லைனில் வெளியிடப்படுகிறது. பக்தர்கள் அறை வாடகையை முன்பதிவு செய்து கொள்ள வேண்டுமென தெரிவிக்கப்பட்டு உள்ளது.