2022ம் ஆண்டுக்கான 15 வது வடமாகாண விளையாட்டு விழாவில் ,முல்லைத்தீவு மாவட்டம் 129 பதக்கங்களைப் பெற்று, தொடர்ந்தும் 3 ஆவது தடவையாக 2 ஆம் இடத்தை பெற்று சாதனை படைத்துள்ளது.
மாகாணத்தில் இரண்டாம் இடத்தினை பெற்றுக்கொண்டமைக்கான வெற்றிக்கேடயங்களை மாவட்ட அரசாங்க அதிபர் க.விமலநாதனிடம் கையளிக்கும் நிகழ்வும் மற்றும் குறித்த சாதனையை நிலைநாட்டிய வீர வீராங்கனைகள் தங்கள் பயிற்றிவிப்பாளர்களை வாழ்த்தி கௌரவிக்கின்ற நிகழ்வும் 11) முல்லைத்தீவு மாவட்ட செயலக மாநாட்டு மண்டபத்தில் இடம்பெற்றது.
இதன்போது முல்லைத்தீவு மாவட்ட அணியினர் சுவீகரித்துக்கொண்ட வெற்றிக் கேடயங்கள் அதிதிகளிடம் கையளிக்கப்பட்டன.
வட மாகாண விளையாட்டு விழாவில், முல்லைத்தீவு மாவட்டம் 44 தங்கம் , 41 வெள்ளி , 44 வெண்கல பதக்கங்களுமாக மொத்தமாக 129 பதக்கங்களைப் பெற்றது.