உத்தரபிரதேசத்தில் நாய் குரைத்ததால் ஏற்பட்ட கோஷ்டி மோதலில் பெண் ஒருவர் உயிரிழந்தார்.
உத்தரபிரதேச மாநிலத்தின் பைரியா காவல் நிலைய எல்லைக்கு உட்பட்ட ஒரு கிராமத்தில் நாய் குரைத்ததால் இரு தரப்பினர் இடையே வாக்குவாதம் ஏற்பட்டு மோதலானது. இதில் ஒருவரை ஒருவர் தாக்கிக் கொண்டதில் 6 பேர் காயம் அடைந்தனர்.
மருத்துவமனையில் சிகிச்சைக்காக சேர்க்கப்பட்ட நிலையில் லால் முனி என்ற 50 வயது பெண் பரிதாபமாக உயிரிழந்தார். இது குறித்து அவரது மகன் கொடுத்த புகாரின் பேரில் போலீசார் வழக்குப்பதிவு செய்து, 2 பேரை கைது செய்து விசாரணை நடத்தி வருகின்றனர்.
நாய் குரைத்ததால் கோஷ்டி மோதல் ஏற்பட்ட நிலையில், பெண் ஒருவர் உயிரிழந்தது அப்பகுதியில் பெரும் அதிர்ச்சியை ஏற்படுத்தியுள்ளது
newstm.in