Railway Budget 2023: ரயில் பயணிகளின் எதிர்பார்ப்புகள் நிறைவேறுமா?

Railway Budget 2023: 2023 ஆம் ஆண்டுக்கான மத்திய நிதிநிலை அறிக்கை பிப்ரவரி ம்ஆதம் நாடாளுமன்றத்தில் தாக்கல் செய்யப்படவுள்ளது. இந்த நிதிநிலை அறிக்கையில் ரயில்வே துறைக்கான நிதி அறிவிப்பும் வெளியாகும். அதில் தமிழகத்தின் குறிப்பாக தென் மாவட்ட மக்களின் கோரிக்கைகள் நிறைவேறுமா என்ற எதிர்பார்ப்பு காணப்படுகிறது. அதே நேரத்தில், நாட்டில் உள்ள ரயில் உள்கட்டமைப்பை இன்னும் திறமையானதாக மாற்ற ரயில்வே தொடர்ந்து செயல்பட்டு வருகிறது. இதில், தண்டவாள விரிவாக்கம் முதல் இந்திய ரயில்வேயை மின்மயமாக்குவது வரை அடங்கும். இந்த பணிகள் அனைத்தும் விரைவாக முடிவடையும் வகையில், பட்ஜெட்டில் ரயில்வே அரசின் எதிர்பார்ப்புகளுடன் அமர்ந்துள்ளது. மேலும் இந்த ஆண்டுக்கான பட்ஜெட்டில் ரயில்வேக்கான ஒதுக்கீட்டை அரசு அதிகரிக்கலாம் என எதிர்பார்க்கப்படுகிறது.

ரயில்வே இந்த கோரிக்கையை வைத்துள்ளது
பட்ஜெட் தாக்கலுக்கு முன்னதாகா, நிதியமைச்சர் நிர்மலா சீதாராமன் மற்றும் நிதி அமைச்சக அதிகாரிகள் தொடர்ந்து அனைத்து பங்குதாரர்களுடனும் கூட்டங்களை நடத்துகின்றனர். இதில் ரயில்வே வாரிய அதிகாரிகளும் தங்களது கோரிக்கைகளை நிதி அமைச்சகத்திடம் வைத்துள்ளனர். அதன்படி, இந்த முறை ரயில்வே பட்ஜெட்டில் 30 சதவீதம் கூடுதல் ஒதுக்கீட்டை வழங்க வேண்டும் என ரயில்வே அதிகாரிகள் அரசிடம் கோரிக்கை வைத்துள்ளது.