திண்டிவனம்: விழுப்புரம் மாவட்டம் திண்டிவனம் கோவிந்தசாமி அரசு கலை மற்றும் அறிவியல் கல்லூரியில் நேற்று சமத்துவ பொங்கல் விழா நடைபெற்றது. இந்த பொங்கல் விழாவில் கல்லூரி மாணவர்கள் 1000க்கும் மேற்பட்டோர் கலந்து கொண்டனர். பின்னர், கல்லூரி எதிரே வந்த ஒரு சில மாணவர்கள், அவ்வழியாக வந்த அரசு பேருந்தை வழிமறித்து ரகளையில் ஈடுபட்டதுடன், பேருந்தின் மேற்கூரையில் ஏறி குத்தாட்டம் போட்டனர். இதனைக் கண்ட சக மாணவர்கள் பேருந்தின் உள்ளே மற்றும் பேருந்தின் முன் பகுதியிலும் நடனம் ஆடினார். இதனை அங்கிருந்த கல்லூரி மாணவர்கள் வீடியோ எடுத்து சமூக வலைதளங்களில் பதிவிட்டுள்ளனர். இந்த வீடியோ வைரலாகி வருகிறது.
