தெலுங்கானா முதல்வர் கே.சந்திரசேகர் ராவ், காங்கிரஸ் அல்லாத எதிர்க்கட்சி முன்னணியை உருவாக்குவதற்கான முதல் படியை இன்று தனது கட்சியின் முதல் கூட்டத்தின் மூலம் தேசியமயமாக்கினார். ஹைதராபாத்தில் உள்ள கம்மம் நகரில் நடைபெற்ற பாரதிய ராஷ்டிர சமிதியின் கூட்டத்தில் ஆம் ஆத்மி கட்சித் தலைவரும், டெல்லி முதல்வருமான அரவிந்த் கெஜ்ரிவால், பஞ்சாப் முதல்வர் பகவந்த் மான் மற்றும் கேரள முதல்வர், சிபிஎம் பினராயி விஜயன், சமாஜ்வாதி கட்சித் தலைவர்
அகிலேஷ் யாதவ்
, சிபிஐயின் டி ராஜா ஆகியோர் கலந்து கொண்டனர்.
தேசிய அரசியலில் கேசிஆர் முன்னேறுவதை ஆதரித்து வரும் மதச்சார்பற்ற ஜனதா தளம் தலைவர் எச்டி குமாரசாமி, கர்நாடகாவில் பஞ்சரத்ன ரத யாத்திரை (மாநிலம் தழுவிய சுற்றுப்பயணம்) மேற்கொண்டு வருவதால் அவர் கூட்டத்தில் பங்கேற்க முடியவில்லை என கூறியுள்ளார்.
நான்கு முதல்வர்களுடன் மேடையை பகிர்ந்து கொண்ட உத்திரபிரதேச முன்னாள் முதல்வர் அகிலேஷ் யாதவ் கூறியதாவது: “நேற்று பா.ஜ.க.வின் (தேசிய நிர்வாகி) கூட்டம் முடிந்தது. இன்னும் 400 நாட்கள் எஞ்சியிருப்பதாக அவர்களே கூறினர். இந்த அரசு தனது நாட்களை எண்ணிக் கொண்டிருக்கிறது. 400 நாட்களுக்குப் பிறகு அது நிலைக்காது’’ எனறு அவர் கூறினார்.
காங்கிரஸின் பாரத் ஜோடோ யாத்ராவின் இறுதி நாட்களுக்கு சில நாட்களுக்கு முன்னதாக இந்த சந்திப்பு நடைபெற்றது குறிப்பிடதக்கது. ராகுல் காந்தி யாத்திரையில் இறுதிநாளில் கலந்து கொள்ள சமாஜ்வாதி கட்சி மற்றும் சிபிஎம் உட்பட 21 எதிர்க்கட்சிகளை காங்கிரஸ் அழைத்துள்ளது. கெஜ்ரிவாலின் ஆம் ஆத்மி கட்சி, அழைக்கப்பட்டவர்களின் பட்டியலில் இல்லை என்பது குறிப்பிடதக்கது.
இன்று சந்திரசேகர ராவின் பேரணியில் கலந்து கொண்ட அனைத்துக் கட்சிகளும் காங்கிரஸ் யாத்திரையைத் தவிர்த்துவிட்டன. அகிலேஷ் யாதவ் மற்றும் அரவிந்த் கெஜ்ரிவால் ஆகியோர் காங்கிரஸுக்கு எதிரான தங்கள் எதிர்ப்பை தெளிவுபடுத்தியுள்ளனர். இருப்பினும், இந்த ஆண்டு நடைபெறவுள்ள தேர்தலுக்கான தொகுதிப் பங்கீடு குறித்து திரிபுராவில் காங்கிரஸுடன் சிபிஎம் பேச்சுவார்த்தை நடத்தி வருகிறது.
கேரள முதல்வர் பினராய் விஜயன் கடந்த 2019 பொதுத் தேர்தலுக்கு முன்னதாக காங்கிரஸ் அல்லாத, பாஜக அல்லாத முன்னணி பற்றிய தனது கனவை பகிரங்கப்படுத்தினார். ஆனால் பெரும்பாலான பிராந்திய தலைவர்கள் தார்மீக ஆதரவை வழங்குவதை நிறுத்தியதால் அவரது கனவு பலிக்கவில்லை. ராவின் கனவு முன்னணி இந்த முறையும் நிறைவேறுமா என்ற கேள்வி எழுந்துள்ளது.
சந்திரசேகர ராவ் தவிர, எதிர்க்கட்சியில் பிரதமர் பதவிக்கு பல போட்டியாளர்கள் உள்ளனர். அரவிந்த் கெஜ்ரிவால் தனது தேசிய லட்சியங்களை தெளிவாக்கியுள்ளார். திரிணாமுல் காங்கிரஸ் தலைவர் மம்தா பானர்ஜியும் அப்படித்தான்.
கடந்த ஆண்டு செப்டம்பரில் சந்திரசேகர ராவ் சந்தித்த பீகார் முதல்வர் நிதிஷ் குமார், மூன்றாம் அணி இருக்காது என்று திட்டவட்டமாக கூறினார். “மூன்றாம் முன்னணி என்ற கேள்விக்கு இடமில்லை. காங்கிரசை உள்ளடக்கிய ஒரு முன்னணி இருக்க வேண்டும். அதன் பிறகு 2024-ல் பாஜகவை வீழ்த்தலாம்” என்று இந்திய தேசிய லோக்தளம் ஏற்பாடு செய்த பேரணியில் நிதிஷ்குமார் கூறினார்.
‘இன்னும் 400 நாள் தான் இருக்கு.. ஒருத்தரும் மிஸ் ஆக கூடாது..!’ – பிரதமர் மோடி ஆர்டர்!
பாஜக அல்லது காங்கிரஸின் ஆதரவின்றி எந்த மூன்றாம் அணியும் இதுவரை வெற்றி பெற்றதில்லை. முன்னாள் பிரதமர் வி.பி.சிங் தலைமையிலான ஆட்சிக்கு பா.ஜ.க.வின் ஆதரவு இருந்தது. அவருக்குப் பின் வந்த சந்திரசேகர், தேவகவுடா மற்றும் ஐகே குஜ்ரால் தலைமையிலான அரசுகள் காங்கிரஸின் ஆதரவைப் பெற்றன என்பது குறிப்பிடதக்கது.