நாயை ஒருவர் பைக்கில் கட்டி இழுத்து சென்ற கொடூர வீடியோ இணையத்தில் வைரலாகி வருகிறது.
இது பீகார் மாநிலம் கயாவில் நடந்துள்ளது. பைக்கில் சங்கிலியால் கட்டப்பட்ட நாயை அந்த நபர் இழுத்து செல்கிறார். இதை அந்த வழியாக சென்ற ஒருவர் வீடியோ எடுத்து அந்த நபரை தடுத்து நிறுத்தி உள்ளார்.
நாயை இழுத்து சென்றது தொடர்பாக அவரிடம் கேட்ட போது, இது தன்னுடைய வளர்ப்பு நாய் தான். நடைபயிற்சிக்கு அழைத்து வந்த போது நடக்க மறுத்தது. அதனால் இழுத்து சென்றதாகவும் பைக்கை மெதுவாக ஒட்டியதாகவும் தெரிவித்தார்.
வீடியோ இணையத்தில் வைரலானதை தொடர்ந்து போலீசார் அவர் மீது வழக்குப்பதிவு செய்துள்ளனர். வண்டியின் நம்பர் பிளேட் அடிப்படையில் அவரை போலீசார் தேடி வருகின்றனர். சம்மந்தப்பட்ட காவல்நிலையத்திற்கு இது தொடர்பாக புகார் அனுப்பப்பட்டு எஃப்ஐஆர் பதிவு செய்யப்பட்டுள்ளது.
newstm.in