மும்பையில் உள்ள தொழிலதிபர் முகேஷ் அம்பானியின் வீட்டில், இன்று அவரது மகன் ஆனந்த் அம்பானிக்கும், ராதிகா மெர்ச்சன்ட் என்ற பெண்ணுக்கும் பிரம்மாண்டமான நிச்சயதார்த்த விழா நடைபெற்று முடிந்துள்ளது.
ஆனந்த அம்பானி- ராதிகா மெர்ச்சன்ட் திருமணம்
இந்தியாவின் முன்னணி தொழிலதிபர் முகேஷ் அம்பானி மற்றும் மனைவி நீடா அம்பானி ஆகியோரின் மகன் ஆனந்த் அம்பானிக்கும், என்கோர் ஹெல்த்கேர் CEO விரேன் மெர்ச்சன்ட் மற்றும் மனைவி ஷைலா மெர்ச்சன்ட் ஆகியோரின் மகள் ராதிகா மெர்ச்சன்ட் ஆகிய இருவருக்கும் விரைவில் திருமணம் நடைபெற உள்ளது.
ஆனந்த அம்பானி மற்றும் ராதிகா மெர்ச்சன்ட் ஆகிய இருவரும் சில வருடங்களாக நண்பர்களாக இருந்து வந்த நிலையில், தற்போது இவர்கள் இருவருக்கும் திருமண நிச்சயதார்த்த விழா நடைபெற்றுள்ளது.
The engagement of Anant Ambani and Radhika Merchant held today at Mukesh Ambani’s residence Antilla in Mumbai. pic.twitter.com/BGUbLdieiq
— ANI (@ANI) January 19, 2023
ஆனந்த அம்பானி அமெரிக்காவின் பிரவுன் பல்கலைக்கழகத்தில் பட்டம் பெற்று, ரிலையன்ஸ் இண்டஸ்ட்ரீஸ் ஜியோ பிளாட்ஃபார்ம்கள் மற்றும் ரிலையன்ஸ் ரீடெய்ல் வென்ச்சர்ஸ் வாரியங்களில் உறுப்பினராக பணியாற்றினார், இவர் தற்போது RIL இன் எரிசக்தி வணிகத்தை வழிநடத்தி வருகிறார்.
ராதிகா மெர்ச்சன்ட் நியூயார்க் பல்கலைக்கழகத்தில் பட்டம் பெற்று என்கோர் ஹெல்த்கேர் வாரியத்தில் இயக்குனராக பணியாற்றி வருகிறார்.
நிச்சயதார்த்த விழா
இந்நிலையில் ஆனந்த அம்பானி மற்றும் ராதிகா மெர்ச்சன்ட் இருவருக்கும் இன்று மும்பையில் உள்ள முகேஷ் அம்பானியின் ஆன்டிலா வீட்டில் நிச்சயதார்த்த விழா நடைபெற்று முடிந்துள்ளது.
Ambani family at the ‘Gol Dhana’ ceremony of Anant Ambani and Radhika Merchant at Antilia in Mumbai, this evening. pic.twitter.com/dJDDtuKa5q
— ANI (@ANI) January 19, 2023
‘கொல் தானா’ என அழைக்கப்படும் பிரம்மாண்ட நிச்சயதார்த்த விழா இன்று மாலை 7 மணிக்கு சிறப்பாக தொடங்கி நடைபெற்று முடிந்துள்ளது.
இது தொடர்பான புகைப்படங்கள் தற்போது சமூக வலைதளங்களில் வேகமாக பரப்பப்பட்டு வருகிறது.