பாலிவுட் திரையுலகின் சூப்பர்ஸ்டார்களில் ஒருவராக வலம் வருபவர் ஷாருக்கான். இவர் நடித்த பல திரைப்படங்கள் வெள்ளிவிழா கண்டுள்ளன. ஆனால் சமீபகாலமாக இவரது நடிப்பில் வெளியான திரைப்படங்கள் சொல்லிக்கொள்ளும் அளவிற்கு வெற்றிகளை பெறவில்லை.
மேலும் கடந்த நான்கு ஆண்டுகளாக இவரது நடிப்பில் எந்த ஒரு திரைப்படமும் வெளியாகவில்லை. இந்நிலையில் தற்போது சித்தார்த் ஆனந்த் இயக்கத்தில் ஷாருக்கான் நடிப்பில் பதான் திரைப்படம் வெளியாகியுள்ளது.
Vijay antony: விபத்தில் படுகாயமடைந்த விஜய் ஆண்டனியின் தற்போதைய நிலை..அவரே வெளியிட்ட தகவல்..!
பல மொழிகளில் வெளியாகும் இப்படத்தில் நாயகியாக தீபிகா படுகோனே நடிக்க முக்கிய கதாபாத்திரத்தில் ஜான் ஆப்ரஹாம் நடித்துள்ளார். மேலும் சிறப்பு தோற்றத்தில் சல்மான் காணும் இப்படத்தில் நடித்துள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் ஷாருக்கானின் படம் நான்கு ஆண்டுகளுக்கு பிறகு வெளியாவதால் திரையில் தங்கள் நாயகனை காண ரசிகர்கள் மிகுந்த ஆர்வமாக இருந்தனர். அதன் காரணமாகவே பதான் படத்தின் முன்பதிவு அமோகமாக இருந்தது. மேலும் சமீபகாலமாக பாலிவுட் திரைப்படங்கள் தொடர்ந்து தோல்வியை சந்தித்து வருவதால் இப்படம் பாலிவுட் திரையுலகை மீண்டும் வெற்றி பாதைக்கு அழைத்து வரும் என ஒட்டுமொத்த திரையுலகமும் நம்பியிருந்தது.
அதற்கு ஏற்றாற்போல படமும் சிறப்பாக இருப்பதாக முதல் நாள் முதல் காட்சியை பார்த்த ரசிகர்கள் தெரிவித்துள்ளனர். படத்தை பற்றிய ரசிகர்களின் கருத்து என்னவென்றால், பதான் ஒரு சிறந்த ஆக்ஷன் திரில்லர் படமாக இருப்பதாகவும், ஷாருக்கான், தீபிகா படுகோன் மற்றும் ஜான் அப்ரஹாமின் நடிப்பு அபாரமாக இருப்பதாகவும் கூறியுள்ளனர்.
குறிப்பாக சல்மான் கானின் கேமியோ படத்தின் ஹைலைட்டான விஷயமாக அமைந்துள்ளதாம். ஒவ்வொரு காட்சியும் ரசிகர்களை சீட்டின் நுனியில் அமரவைப்பதாகவும் விமர்சனங்கள் வருகின்றன.
என்னதான் ஆங்காங்கே சில குறைகள் இருந்தாலும் ஒட்டுமொத்தமாக இப்படம் ரசிகர்களுக்கு ஒரு விருந்தாக அமையும் என்பதே ரசிகர்களின் கருத்தாக இருக்கின்றது. எனவே பதான் படத்தின் மூலம் ஷாருக்கான் மட்டுமல்லாமல் பாலிவுட் திரையுலகமே வெற்றிப்பாதைக்கு திரும்பியுள்ளது குறிப்பிடத்தக்கது.