கீர்த்தி சுரேஷுக்கு எவ்வளவு தாராள மனசு இருந்தால் பணத்தை பற்றி யோசிக்காமல் இப்படி செய்திருப்பார் என ரசிகர்கள் பாராட்டுகிறார்கள்.
கீர்த்தி சுரேஷ்தமிழ் திரையுலகின் முன்னணி நடிகைகளில் ஒருவரான கீர்த்தி சுரேஷ் தெலுங்கு திரையுலகிலும் மிகவும் பிரபலமானவர் ஆவார். அவர் நானி ஜோடியாக நடித்திருக்கும் படம் தசரா. பான் இந்திய படமாக உருவாகியிருக்கும் தசராவை ஸ்ரீகாந்த் ஒடிலா இயக்கியிருக்கிறார். சுதாகர் தனது லக்ஷ்மி வெங்கடேஸ்வரா கிரியேஷன்ஸ் நிறுவனம் மூலம் தயாரித்துள்ளார். தசரா படம் வரும் மார்ச் 30ம் தேதி ரிலீஸாகவிருக்கிறது. இந்நிலையில் தான் கீர்த்தி சுரேஷ் அப்படி செய்திருக்கிறார்.
பரிசுதசரா படப்பிடிப்பின் கடைசி நாள் அன்று படக்குழுவுக்கு தங்க நாணயங்களை பரிசாக அளித்துள்ளார் கீர்த்தி சுரேஷ். சக கலைஞர்கள், டெக்னீஷியன்கள் என மொத்தம் 130 பேருக்கு தலா 2 கிராம் எடை கொண்ட தங்க நாணயங்களை கொடுத்து அவர்களை திக்குமுக்காட செய்துள்ளார். கீர்த்தி செய்த இந்த காரியம் குறித்து அறிந்த ரசிகர்களோ, அவருக்கு தங்க மனசு, தாராள மனசு என பாராட்டுகிறார்கள். தங்கம் விற்கும் விலையில் கீர்த்தி இப்படி செய்ய நல்ல மனசு வேண்டும் என்கிறார்கள் ரசிகர்கள்.
கெரியர்கீர்த்தி சுரேஷ் கை நிறைய படங்கள் வைத்திருக்கிறார். தமிழில் மாரி செல்வராஜ் இயக்கத்தில் அமைச்சர் உதயநிதி ஸ்டாலின் ஜோடியாக நடித்துள்ளார். மேலும் ஜெயம் ரவி படத்தில் நடிக்க ஒப்பந்தமாகியிருக்கிறார். இது தவிர்த்து ரிவால்வர் ரீட்டா, ரகுதாத்தா ஆகிய படங்களில் கமிட்டாகியுள்ளார். இரண்டுமே ஹீரோயினை மைமயாக வைத்து எடுக்கப்படும் படங்கள் ஆகும்.
போலா சங்கர்அஜித் குமார் நடிப்பில் வெளியான வேதாளம் படத்தை மெகா ஸ்டார் சிரஞ்சீவியை வைத்து தெலுங்கில் ரீமேக் செய்கிறார்கள். போலா சங்கர் என்று அழைக்கப்படும் அந்த படத்தில் சிரஞ்சீவியின் தங்கையாக நடிக்கிறார். ஒரு முன்னணி ஹீரோயினாக இருந்து கொண்டு இப்படி தங்கையாக நடிக்க கீர்த்தி சுரேஷ் தயங்கவில்லை. வித்தியாசமான கதாபாத்திரங்களாக தேடிப் பிடித்து நடிக்கிறார்.
காதல்கீர்த்தி தன் கெரியரில் பிசியாக இருந்து வரும் நேரத்தில் அவருக்கும், தளபதி விஜய்க்கும் இடையே நெருக்கம் அதிகரித்துவிட்டதாக பேச்சு கிளம்பியது. இந்நிலையில் தான் கடந்த 13 ஆண்டுகளாக ஒருவரை கீர்த்தி சுரேஷ் காதலித்து வருவதாக தகவல் வெளியாகியுள்ளது. கீர்த்தியுடன் பள்ளியில் படித்தவராம் அந்த காதலர். தற்போது கேரளாவில் ரிசார்ட் நடத்தி வருகிறார் என்று தகவல் வெளியாகியிருக்கிறது. இதை பார்த்த விஜய் ரசிகர்களோ, தேவையில்லாமல் தளபதியை பற்றி பேசுவதை இத்துடன் நிறுத்திக் கொள்ளுங்கள் என்கிறார்கள்.
Vijay: காதலில் கீர்த்தி சுரேஷ்: இப்ப என்ன சொல்றீங்கனு கேட்கும் விஜய் ரசிகாஸ்