பிரின்ஸ் திரைப்படத்திற்கு பிறகு சிவகார்த்திகேயன் நடிக்கும் திரைப்படம் தான் மாவீரன். யோகி பாபு நாயகனாக நடித்த மண்டேலா படத்தை இயக்கிய அஸ்வின் இயக்கத்தில் உருவாகும் இப்படத்தில் நாயகியாக அதிதி ஷங்கர் நடிக்கின்றார். சிவகார்த்திகேயன் நடிப்பில் தொடர்ச்சியாக டாக்டர் மற்றும் டான் ஆகிய படங்கள் மிகப்பெரிய வெற்றியை பெற கடைசியாக வெளியான பிரின்ஸ் திரைப்படம் எதிர்பார்த்த வெற்றியை பெற தவறியது.
இதையடுத்து தான் நடித்து வரும் மாவீரன் படத்தை மிகப்பெரிய வெற்றிப்படமாக கொடுக்கவேண்டும் என்ற முனைப்பில் இருந்து வருகின்றார் சிவகார்த்திகேயன். இந்நிலையில் இப்படத்தின் படப்பிடிப்பு கடந்தாண்டு ஆரம்பமானது.படப்பிடிப்பு ஆரம்பமான முதல் சிவகார்த்திகேயனுக்கும், இயக்குனர் அஸ்வினுக்கும் தொடர்ந்து பிரச்சனை ஏற்பட்டு வருவதாக சமூகத்தளங்களில் தகவல்கள் பரவின.
Varisu- Thunivu: மிகவும் எதிர்பார்த்த வாரிசு – துணிவு…கடைசில இப்படி ஆகிடுச்சே..!
கதையில் சிவகார்த்திகேயனுக்கு திருப்தி இல்லை என சில செய்திகள் ஊடகங்களில் பரவின. இதன் காரணமாக படப்பிடிப்பு நிறுத்தப்பட்டதாகவும் பேச்சுக்கள் அடிபட்டன. இதையடுத்து சமீபத்தில் மாவீரன் படத்தின் போஸ்டர் வெளியாகி இந்த வதந்திகளுக்கு முற்றுப்புள்ளி வைக்கப்பட்டது.
இந்நிலையில் தற்போது மாவீரன் படத்தில் எடுக்கப்பட்ட காட்சிகள் சிவகார்த்திகேயனுக்கு திருப்தி அளிக்கவில்லை என்றும், இதன் காரணமாக அக்காட்சிகளை மீண்டும் ரீ ஷூட் செய்யவிருப்பதாகவும் தகவல்கள் வருகின்றன.
இதுவரை எடுக்கப்பட்ட காட்சிகளை போட்டுப்பார்த்த சிவகார்த்திகேயனுக்கு படம் திருப்தியளிப்பதாக இல்லையாம். இதுவரை எனவே எடுக்கப்பட்ட காட்சிகளில் பாதி காட்சிக்கு மேல் சிவகார்த்திகேயன் ரீ ஷூட் பண்ண சொல்லிவிட்டதாக தகவல்கள் வருகின்றன. ஆனால் இந்த தகவல் உண்மையா இல்லை வதந்தியா என்பது பற்றி தெளிவாக தெரியவில்லை என்பது குறிப்பிடத்தக்கது.