விஜய் வாரிசு படத்திற்கு பிறகு லோகேஷ் கனகராஜின் தளபதி 67 படத்தில் நடித்து வருகின்றார். மாஸ்டர் படத்தின் வெற்றிக்கு பிறகு இக்கூட்டணி மீண்டும் இணைந்துள்ளது ரசிகர்களின் எதிர்பார்ப்பை அதிகரித்துள்ளது. மேலும் லோகேஷ் கடைசியாக இயக்கிய கமலின் விக்ரம் திரைப்படம் மாபெரும் வெற்றி என்பதால் ரசிகர்களின் எதிர்பார்ப்பு இரட்டிப்பாகியுள்ளது.
இதையடுத்து தளபதி 67 படத்தின் பூஜை கடந்த மாதம் போடப்பட்டு தற்போது படப்பிடிப்பு விறுவிறுப்பாக நடைபெற்று வருகின்றது. தற்சமயம் கொடைக்கானலில் தளபதி 67 அடுத்தகட்ட படப்பிடிப்பு நடந்து வருகின்றது. இந்த படப்பிடிப்பில் மிஸ்கின் மற்றும் சாண்டி சம்மந்தப்பட்ட காட்சிகளை படமாக்கி வருகின்றார் லோகேஷ்.
Pradeep Ranganathan: பிரதீப் ஹீரோவாக நடிக்கும் புதிய படம்..இது அவர் நடிக்கவேண்டிய படமாச்சே ?
இந்நிலையில் இப்படத்தில் விஜய் உட்பட த்ரிஷா, அர்ஜுன், கௌதம் மேனன், மிஸ்கின் உள்ளிட்ட பல நட்சத்திரங்கள் நடிக்கின்றனர். மேலும் நடிகர் விக்ரமுடன் இப்படத்தில் நடிக்க பேச்சுவார்த்தை நடத்தப்பட்டு வருவதாகவும் தகவல் வருகின்றது. மறுபக்கம் கமல்ஹாசன் தளபதி 67 படத்தில் கெஸ்ட் ரோலில் நடிப்பதாகவும் பேசப்பட்டு வருகின்றன.
இந்நிலையில் இவ்வாறு எங்கு திரும்பினாலும் தளபதி 67 படத்தைப்பற்றிய செய்திகளே வரும் நிலையில் இப்படம் இன்னமும் அதிகாரபூர்வமாக அறிவிக்கப்படவில்லை. என்னதான் படத்தின் படப்பிடிப்பே துவங்கினாலும் தளபதி 67 அதிகாரபூர்வமாக அறிவிக்கப்படாதது ரசிகர்களை குழப்பமடைய செய்துள்ளது.
எனவே இந்த தாமதத்திற்கு வாரிசு படம் தான் காரணம் என்ற ஒரு தகவலும் வந்துள்ளது. ஏனென்றால் வாரிசு படத்தின் தமிழ்நாட்டு உரிமையை தளபதி 67 படத்தின் தயாரிப்பாளர் லலித் தான் வாங்கியுள்ளார். தற்போது வாரிசு திரைப்படம் ரசிகர்களின் பேராதரவுடன் நன்றாக ஓடிக்கொண்டிருக்கிறது.
இந்த சமயத்தில் தளபதி 67 படத்தின் அறிவிப்பை வெளியிட்டால் ரசிகர்களின் கவனம் சிதறும், இதன் காரணமாக வாரிசு படத்தின் வசூல் பாதிக்கப்படும் என்பதை கருத்தில் கொண்டு தளபதி 67 படத்தின் அதிகாரபூர்வ அறிவிப்பை தாமதப்படுத்துவதாக தகவல் வந்துள்ளது. இந்நிலையில் பிப்ரவரி முதல் வாரத்தில் தளபதி 67 படத்தின் அறிவிப்பை நாம் எதிர்பார்க்கலாம் என்பது குறிப்பிடத்தக்கது.