பாம்புடன் செல்பி எடுக்க ஆசைப்பட்டு இளைஞர் ஒருவர் உயிரிழந்த சோக சம்பவம் நடந்துள்ளது.
ஆந்திராவின் நெல்லூர் மாவட்டத்தை சேர்ந்தவர் மணிகண்டா ரெட்டி (வயது 28), ஜூஸ் கடை நடத்தி வருகிறார்.
நேற்று முன்தினம் கடையிலிருந்து வீட்டிற்கு வந்தபோது பேருந்து நிலையம் அருகே பாம்பாட்டி ஒருவர் வித்தை காட்டிக்கொண்டிருந்தார்.
இதனைக்கண்ட மணிகண்டா ரெட்டிக்கு பாம்புடன் செல்பி எடுக்க ஆசைப்பட்டார், இதனை பாம்பாட்டியிடம் சொன்ன போது அவர் ஒப்புக்கொள்ளவில்லை.
File Photo
காசு தருவதாக கூறி பாம்பாட்டியிடம் ஆசை வார்த்தை கூறியுள்ளார், அவரும் பணத்திற்காக ஆசைப்பட்டு ஒப்புக்கொண்டதுடன், இளைஞரின் கழுத்தில் பாம்பை சுற்றியுள்ளார்.
பாம்புடன் செல்பி எடுத்து விட்டு, கழுத்தில் இருந்து எடுத்த போது திடீரென பாம்பு மணிகண்டாவை கொத்தியது.
இதனால் வலியில் துடிதுடித்த மணிகண்டாவை உடனடியாக மருத்துவமனையில் சேர்த்தனர்.
அங்கு மணிகண்டாவை பரிசோதித்த மருத்துவர்கள், ஏற்கனவே இறந்து விட்டதாக தெரிவித்தனர்.
இதுகுறித்து வழக்குபதிவு செய்த கந்துகோல் போலீசார் விசாரணை நடத்தி வருகின்றனர்.