விஜய் 67வது படத்தின் அப்டேட் எப்போது? : லோகேஷ் தகவல்
மாஸ்டர் படத்தை அடுத்து விஜய்யின் 67வது படத்தை தற்போது இயக்கி வருகிறார் லோகேஷ் கனகராஜ். இந்த படத்தின் முதல்கட்ட படப்பிடிப்பு சென்னையில் நடைபெற்ற நிலையில், தற்போது இரண்டாம் கட்ட படப்பிடிப்பு கொடைக்கானலில் நடைபெற்று வருகிறது. அடுத்தபடியாக மூன்றாம் கட்ட படப்பிடிப்பு காஷ்மீரில் நடைபெற உள்ளது. இந்த நிலையில் வாரிசு படம் திரைக்கு வந்ததும் விஜய் 67வது படம் குறித்த அப்டேட் வெளியாகும் என்று ஏற்கனவே அறிவித்திருந்த லோகேஷ் கனகராஜ், தற்போது பிப்ரவரி மாதம் முதல் வாரத்தில் இப்படத்தின் அதிகாரப்பூர்வ அப்டேட் வெளியாகும் என்று தெரிவித்திருக்கிறார். அதோடு பிப்ரவரி மாதத்தில் விஜய் 67வது படத்தின் அறிமுக டீசர் வெளியாகும் என்றும் கூறப்படுகிறது. இந்த தகவல் வெளியானதை அடுத்து விஜய் ரசிகர்கள் வட்டாரத்தில் பரபரப்பு அதிகரித்து இருக்கிறது.