திருவண்ணாமலை மாவட்டம் செய்யாறு அருகே பணம்-கொடுக்கல் வாங்கல் தொடர்பாக ஏற்பட்ட பிரச்னை காரணமாக பைனான்சியரை காரில் கடத்திய 6 பேர் கொண்ட கும்பலை போலீசார் கைது செய்தனர்.
நாட்டேரி கிராமத்தைச் சேர்ந்த ராமச்சந்திரன், பணிமுடித்து வீடு திரும்பிக் கொண்டிருந்தபோது, பின்தொடர்ந்து காரில் வந்த அடையாளம் தெரியாத நபர்கள் சிலர் அவரை கடத்தி கத்தியால் தாக்கியதுடன், கடத்திய இடத்திலேயே விட்டுவிட்டு சென்றதாகக் கூறப்படுகிறது.
இந்த வழக்கில் 2 தனிப்படைகள் அமைத்து விசாரணை மேற்கொண்ட போலீசார், கடத்தலில் ஈடுபட்டதாக ராணிப்பேட்டை மாவட்டத்தைச் சேர்ந்த பிரபாகரன், ரமேஷ் உட்பட ஆறுபேரை கைது செய்தனர்.