விஜய், லோகேஷ் கனகராஜ் இணையும் ‘தளபதி 67’ படத்தின் அதிகாரப்பூர்வ அறிவிப்பிற்காக ரசிகர்கள் வெறித்தனமாக காத்து வருகின்றனர். ‘வாரிசு’ பட ரிலீசுக்கு பிறகு இந்தப்படத்தில் நடித்து வருகிறார் விஜய். விரைவில் இந்தப்படம் குறித்த அதிகாரப்பூர்வ அறிவிப்பு என வெளியாகும் என படக்குழுவினர் தெரிவித்து வருகின்றனர்.
கடந்த 11 ஆம் தேதி வெளியான ‘வாரிசு’ படம் வெற்றிகரமாக திரையரங்குகளில் ஓடி வருகிறது. நீண்ட இடைவேளைக்கு பின் பேமிலி செண்டிமென்ட் கதையம்சம் கொண்ட படத்தில் நடித்துள்ளார் விஜய். தமிழ், தெலுங்கு மொழியில் வெளியாகி வசூலில் கலக்கி வருகிறது ‘வாரிசு’ படம்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தினை தொடர்ந்து விஜய் நடிக்கவுள்ள அடுத்த படத்தை லோகேஷ் கனகராஜ் இயக்கவுள்ளார். கடந்த வருட மே மாதம் ‘விக்ரம்’ படம் வெளியானது. கமல், பகத் பாசில், விஜய் சேதுபதி உள்ளிட்டோர் நடிப்பில் வெளியாகி பிரம்மாண்ட வெற்றியை குவித்தது ‘விக்ரம்’. இந்தப்படத்திற்கு வரவேற்பை தொடர்ந்து லோகேஷின் அடுத்த படத்திற்கு கோலிவுட் சினிமாவில் உச்சக்கட்ட எதிர்பார்ப்பு ஏற்பட்டுள்ளது.
‘தளபதி 67’ படம் குறித்து பல தகவல்கள் இணையத்தை வட்டமடித்து வருகின்றன. இந்தப்படம் லோகேஷின் எல்சியூ அடிப்படையில் உருவாக உள்ளதாக கூறப்படுகிறது. ‘கைதி’ கார்த்தி , ‘விக்ரம்’ படத்தின் சூர்யாவின் ரோலக்ஸ், ‘விக்ரம்’ கமல் உள்ளிட்ட கதாப்பாத்திரங்கள் ‘தளபதி 67’ படத்தில் இடம்பெறுவார்களா என்ற உச்சக்கட்ட எதிர்பார்ப்பு ரசிகர்கள் மத்தியில் எழுந்துள்ளது.
Samantha: அரிய வகை நோயால் பாதிக்கப்பட்டுள்ள சமந்தா செய்த காரியம்: தீயாய் பரவும் வீடியோ.!
இந்நிலையில் பேட்டி ஒன்றில் இயக்குநர் லோகேஷிடம் ‘தளபதி 67’ படத்தில் விக்ரம் நடிக்கிறாரா? எனக் கேட்கப்பட்டது. இதற்கு பதிலளித்த லோகேஷ், நானும் கேள்விப்பட்டேன். இந்த மாதிரி நிறைய கேள்விப்படுறேன். கொஞ்ச நாள்ல அப்டேட் வந்துடும். நீங்களே தெரிஞ்சுக்குவீங்க. இப்பவே சொல்லிட்டா சர்ப்ரைஸ் இருக்காது என்று தெரிவித்துள்ளார்.
Rajinikanth: எப்படி இதெல்லாம் சாப்பிடுறாங்க.. சிகரெட், மது அளவே இல்லை: ரஜினி ஓபன் டாக்.!
அவரின் இந்த பேட்டி ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது. மேலும், ‘தளபதி 67’ படம் குறித்த அறிவிப்பு பிப். 1, 2, 3 ஆகிய தேதிகளில் வெளியாகும் என்றும் லோகேஷ் கூறியுள்ளார். இந்தப்படத்தில் இயக்குனர் மிஷ்கின், பாலிவுட் நடிகர் சஞ்சய் தத், பிரித்விராஜ் சுகுமாரன், த்ரிஷா, மன்சூர் அலிகான், அர்ஜுன் உள்ளிட்டோர் நடிக்க உள்ளதாக கூறப்படுவது குறிப்பிடத்தக்கது.