Rakshita Reddy:ஷர்வானந்த் திருமணம் செய்துகொள்ளவிருக்கும் ரக்ஷிதா பற்றி அறிந்தவர்கள், புடுச்சாலும் புளியங்கொம்பாக புடுச்சிருக்கிறார் என்கிறார்கள்.
ஷர்வானந்த்தெலுங்கு படங்களில் நடித்து வருபவர் ஷர்வானந்த். கடந்த 2011ம் ஆண்டு வெளியான எங்கேயும் எப்போதும் படம் மூலம் தமிழ் ரசிகர்களை கவர்ந்தார். ஜேகே எனும் நண்பனின் வாழ்க்கை, கணம் ஆகிய தமிழ் படங்களில் நடித்திருக்கிறார். விஜய் சேதுபதி, த்ரிஷா நடிப்பில் வெளியான 96 படத்தின் தெலுங்கு ரீமேக்கான ஜானுவில் மக்கள் செல்வனின் கதாபாத்திரத்தில் ஷர்வானந்த் தான் நடித்திருந்தார்.
நிச்சயதார்த்தம்ஷர்வானந்துக்கும், ரக்ஷிதா ரெட்டிக்கும் நிச்சயதார்த்தம் நடந்துள்ளது. தெலுங்கானா மாநிலம் ஹைதராபாத்தில் நடந்த நிச்சயதார்த்த நிகழ்ச்சியில் திரையுலகை சேர்ந்த பலர் கலந்து கொண்டு வாழ்த்தினார்கள். ராம் சரண் தன் கர்ப்பிணி மனைவி உபசனாவுடன் வந்திருந்தார். சித்தார்த்தும், நடிகை அதிதி ராவ் ஹைதரியும் ஜோடியாக வந்திருந்தார்கள்.
ரக்ஷிதாநிச்சயதார்த்தத்தின்போது எடுக்கப்பட்ட புகைப்படங்கள் வெளியாகி வைரலாகியுள்ளது. இதையடுத்து ஷர்வானந்துக்கு மனைவியாகவிருக்கும் இந்த ரக்ஷிதா ரெட்டி யார் என பலரும் கூகுள் செய்து வருகிறார்கள். அரசியல் தலைவர் போஜ்ஜல கோபால கிருஷ்ண ரெட்டியின் பேத்தி தான் இந்த ரக்ஷிதா. முன்னாள் அமைச்சரான போஜ்ஜல கோபால கிருஷ்ண ரெட்டி கடந்த 2022ம் ஆண்டு மே மாதம் 6ம் தேதி காலமானார். ஷர்வானந்தின் மாமனார் மதுசூதன் ரெட்டி ஆந்திர மாநில உயர் நீதிமன்றத்தில் வழக்கறிஞராக இருக்கிறார். ரக்ஷ்தா அமெரிக்காவில் வேலை செய்து வருகிறார்.
பிசினஸ்ஷர்வானந்த் குடும்பத்தார் பிசினஸ் செய்து வருகிறார்கள். ஆந்திராவில் இருக்கும் பிரபலமான தொழில் அதிபர் குடும்பங்களில் அவரின் குடும்பமும் ஒன்று. இந்நிலையில் அவர் மறைந்த முன்னாள் அமைச்சரின் பேத்தியை திருமணம் செய்துகொள்ளவிருக்கிறார். திருமணத்திற்கு பிறகு ரக்ஷ்தா அமெரிக்காவுக்கு பதில் இந்தியாவில் வேலை செய்வாரா என ரசிகர்கள் கேள்வி எழுப்பியுள்ளனர்.
90ஸ் கிட்ஸ்ஷர்வானந்தின் நிச்சயதார்த்த புகைப்படங்களை பார்த்த 90ஸ் கிட்ஸ் நிம்மதி பெருமூச்சு விட்டுள்ளனர். நமக்கு பெண் கிடைக்கவில்லையே, வயதாகிறதே என்று பயமாக இருந்தது. ஆனால் 80ஸ் கிட்ஸுக்கே இப்போது தான் நிச்சயதார்த்தம் நடக்கிறது. அப்படி என்றால் நமக்கு இன்னும் நிறைய டைம் இருக்கு என 90ஸ் கிட்ஸுகள் சந்தோஷமாக தெரிவித்து வருகிறார்கள்.
சித்தார்த்ஷர்வானந்தின் நிச்சயதார்த்த புகைப்படங்களை பார்த்த சினிமா ரசிகர்களின் கவனம் சித்தார்த், அதிதி ராவ் ஹைதரி மீது தான் உள்ளது. சித்தார்த்தும், அதிதியும் காதலித்து வருவதாக பேசப்படுகிறது. இந்நிலையில் ஜோடியாக வந்திருக்கிறார்கள். அப்படி என்றால் அடுத்ததாக சித்தார்த், அதிதி ராவ் ஹைதரியின் திருமண செய்தியை எதிர்பார்க்கலாமா என்கிறார்கள் ரசிகர்கள்.