தேமுதிக தலைமை வெளியிடப்பட்டுள்ள அறிக்கையில், “கழக நிறுவனத்தலைவர், பொதுச்செயலாளர் கேப்டன் விஜயகாந்த் அவர்களின் ஆணைக்கிணங்க, நடைபெற உள்ள ஈரோடு கிழக்கு (98) சட்டமன்ற தொகுதி இடைத்தேர்தலுக்கு தேசிய முற்போக்கு திராவிட கழகத்தின் சார்பில் போட்டியிடும் திரு.S.ஆனந்த்,M.Sc., அவர்களை அறிமுகம் மற்றும் தேர்தல் பொறுப்பாளர்களின் ஆலோசனை கூட்டம் ஈரோடு மாநகர் மாவட்டத்தில் ஸ்ரீ ஜனனி திருமண மண்டபம் , சக்தி மெயின் ரோடு, CNC கல்லூரி எதிரில் (01.02.2023) புதன்கிழமை மாலை 04.00 மணிக்கு நடைபெற உள்ளது.
இந்த கூட்டத்திற்கு தலைமை கழக நிர்வாகிகள், மாவட்ட தேர்தல் பொறுப்பாளர்கள், மாவட்ட கழக செயலாளர்கள் அனைவரும் கலந்து கொள்ளவேண்டும் என கேட்டுக்கொள்ளப்படுகிறது.
ஒருங்கினைந்த ஈரோடு மாவட்டத்தை சேர்ந்த, மாவட்ட நிர்வாகிகள், சார்பு அணி நிர்வாகிகள், மகளிர் அணி நிர்வாகிகள், ஒன்றிய, நகர, பகுதி, பேரூர், வார்டு, ஊராட்சி கழக நிர்வாகிகள், கிளை கழக நிர்வாகிகள், மற்றும் தொண்டர்கள் அனைவரும் கலந்து கொள்ள வேண்டும் என கேட்டுக்கொள்ளப்படுகிறது” என தெரிவிக்கப்பட்டுள்ளது.