அண்மையில் வெளியாகியுள்ள அஜித்தின் ‘துணிவு’ படம் ரசிகர்கள் மத்தியில் அமோக வரவேற்பை பெற்று வருகிறது. அஜித் தொடர்ச்சியாக மூன்று தடவை எச். வினோத்துடன் இணைந்து பணியாற்றியுள்ளார். இதனையடுத்து ‘துணிவு’ படத்தை தொடர்ந்து தற்போது விக்னேஷ் சிவன் இயக்கத்தில் ‘ஏகே 62’ படத்தில் நடிக்கவுள்ளார் அஜித்.
நடிகர் அஜித், எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த வருடம் பிப்ரவரி மாதம் ‘வலிமை’ படம் வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து இந்த கூட்டணியின் மூன்றாவது படைப்பாக கடந்த 11 ஆம் தேதி வெளியான ‘துணிவு’ படம் ரசிகர்கள் மத்தியில் அமோக வரவேற்பினை பெற்று வருகிறது. முதல் பாதி முழுக்கவும் அஜித் ரசிகர்களுக்கு செம்ம ட்ரீட்டாகவும், இரண்டாம் பாதி வங்கி சம்பந்தமாக மக்களுக்கு விழிப்புணர்வு அளிக்கும் வகையில் உருவாகியுள்ளது. இந்தப்படம் 200 கோடியை தாண்டி வசூல் சாதனை படைத்து வருவதாக கூறப்படுகிறது
இந்நிலையில் அஜித்தின் அடுத்த படமான ’ஏகே 62’ படத்தை விக்னேஷ் சிவன் இயக்கவுள்ளார். லைகா நிறுவனம் தயாரிக்கவுள்ள இந்தப்படத்திற்கு அனிருத் இசையமைக்கிறார். விஜய் சேதுபதி, நயன்தாரா, சமந்தா நடிப்பில் வெளியான ‘காத்து வாக்குல ரெண்டு காதல்’ படத்திற்கு பிறகு அஜித்தை இயக்கவுள்ளார் விக்னேஷ் சிவன்.
Ranbir Kapoor: ரசிகரின் செல்போனை பிடுங்கி தூக்கி எறிந்த ரன்பீர்: வைரலாகும் அதிர்ச்சி வீடியோ.!
இந்நிலையில் இந்தப்படத்திலிருந்து விக்னேஷ் சிவன் விலகியுள்ளதாகவும், விஷ்ணு வர்தன் இந்தப்படத்தை இயக்கவுள்ளதாகவும் இணையத்தில் தீயாய் செய்திகள் பரவி வந்தது. ஆனால் இந்த தகவல் முழுக்க முழுக்க வதந்தி என கூறப்படுகிறது. மேலும் இதன் படப்பிடிப்பு அடுத்த மாதம் துவங்கவுள்ளதாகவும் தகவல்கள் வெளியாகியுள்ளன.
தற்போது லேட்டஸ்ட் தகவலாக இந்தப்படம் தீபாவளிக்கு வெளியிட படக்குழு திட்டமிட்டுள்ளதாகவும் செய்திகள் வெளியாகியுள்ளது. விஜய்யின் ‘தளபதி 67’ படமும் தீபாவளிக்கு வெளியாகும் என கூறப்படுவதால் ரசிகர்கள் மத்தியில் உச்சக்கட்ட எதிர்பார்ப்பு ஏற்பட்டுள்ளது. ‘ஏகே 62’ படத்தில் அஜித்துடன் அரவிந்த் சாமி, சந்தானம், ஐஸ்வர்யா ராய் உள்ளிட்டோர் நடிக்கவுள்ளதாக தகவல்கள் வெளியாகியுள்ளது குறிப்பிடத்தக்கது.
Thalapathy 67: ‘தளபதி 67’ படத்தில் சீயான் விக்ரம்.?: லோகேஷ் சொன்ன செம்ம மாஸ் தகவல்.!