பொலன்னறுவை மாவட்டத்தின் 05 பிரதேச செயலாளர் பிரிவுகளில் நேற்று வீசிய கடும் மழையுடன் கூடிய பலத்த காற்றினால் ,52 வீடுகள் சேதமடைந்துள்ளதாக மாவட்ட செயலகம் தெரிவித்துள்ளது.
இவற்றில் பெரும்பாலான வீடுகள் பகுதியளவில் சேதமடைந்துள்ளதாக பொலன்னறுவை மாவட்ட செயலாளர் டப்ளியு. ஏ. தர்மசிறி குறிப்பிட்டுள்ளார்.
அத்துடன், கடும் மழை காரணமாக லொன்னறுவை, பலுகஸ்தமன பகுதியில் சாக்கடை கால்வாய் ஒன்று நிரம்பி வழிந்ததினால் 17 வீடுகள் வெள்ளத்தில் மூழ்கியுள்ளதாகவும் அவர் தெரிவித்துள்ளார்.
பாதிக்கப்பட்ட குடும்பங்களுக்கு உடனடியாக சமைத்த உணவு வழங்க நடவடிக்கை எடுக்கப்பட்டுள்ளதாகவும் மாவட்ட செயலாளர் கூறினார்.