இந்திய மாணவர்கள் ஆங்கிலக் கால்வாயை ஏன் சிறிய படகுகளில் கடக்கிறார்கள் என்பதற்கு முக்கிய காரணம் உள்ளது.
2023-ஆம் ஆண்டு தொடங்கி இதுவரை சிறிய படகுகளில் ஆங்கிலக் கால்வாயைக் கடந்த மூன்றாவது பெரிய புலம்பெயர்ந்தோர் எண்ணிக்கையில் இந்தியர்கள் இருப்பதாக பிரித்தானியாவின் The Times அறிக்கை கூறுகிறது.
சட்டதிட்டங்களில் இருக்கும் ஓட்டை
இந்தியர்கள், அவர்களில் பெரும்பாலோர் மாணவர்கள், புகலிடக் கோரிக்கையாளர்களாக இருந்தால் பிரித்தானியாவில் சர்வதேச கட்டணத்திற்கு பதிலாக உள்நாட்டுக் கட்டணத்தில் படிக்க அனுமதிக்கப்படும் எனும் சட்டதிட்டங்களில் ஓட்டையைப் பயன்படுத்துகின்றனர் என பிரித்தானிய உள்துறை அலுவலக அதிகாரிகளை கூறுகின்றனர்.
Representative Photo: picture-alliance/P. Bonniere
ஐந்தில் ஒரு பங்கு இந்திய புலம்பெயர்ந்தோர்
ஜனவரி 1 முதல் சுமார் 250 இந்திய புலம்பெயர்ந்தோர் பிரித்தானியாவிற்கு வந்துள்ளனர் என்று அதிகாரிகள் கூறுகின்றனர். இந்த எண்ணிக்கையானது இந்த ஆண்டு இதுவரை 1,180-ஆக இருக்கும் சிறிய படகுகளில் கால்வாயை கடந்து வந்த மொத்த புலம்பெயர்ந்தோரில் ஐந்தில் ஒரு பங்காகும்.
இந்த போக்கு மேலும் பல இந்திய மாணவர்கள் சிறிய படகுகளில் நாட்டிற்குள் நுழையக்கூடும் என்று பிரித்தானிய அதிகாரிகள் அஞ்சுகின்றனர். கடந்த ஆண்டு, முதல் ஒன்பது மாதங்களில் 233 இந்திய புலம்பெயர்ந்தோர் கால்வாயைக் கடந்துள்ளனர்.
விசா இல்லாமல் நுழைய முடியும்
இந்தியர்களுக்கான செர்பியாவின் விசா இல்லாத பயண விதிகள் மாணவர்களுக்கு ஒரு நுழைவாயிலை வழங்கக்கூடும் என்று அதன் பின்னணியில் உள்ள காரணத்தை புரிந்து கொள்ள முயற்சிக்கும் அதிகாரிகள் நம்புகின்றனர்.
முந்தைய விதியின்படி, செல்லுபடியாகும் பாஸ்போர்ட் உள்ள அனைத்து இந்தியர்களும் 30 நாட்கள் வரை விசா இல்லாமல் செர்பியாவிற்குள் நுழைய முடியும். இருப்பினும், இந்த ஏற்பாடு ஜனவரி 1-ஆம் திகதியுடன் முடிவடைந்தது, மேலும் இதுபோன்ற பல இந்தியர்கள் ஐரோப்பிய ஒன்றியத்தை நோக்கிச் செல்லத் தொடங்கி இறுதியில் பிரித்தானியாவிற்கு சென்றிருக்கலாம் என்று உள்துறை அலுவலக அதிகாரிகள் நம்புகின்றனர்.
மாணவர் விசாவிற்கு விண்ணப்பிப்பது மிகவும் விலை உயர்ந்தது என்பதால் மாணவர்கள் பிரித்தானியாவில் நுழைவதற்கு இந்த முறையைப் பயன்படுத்துவார்கள் என்று மற்றவர்கள் நம்புகிறார்கள்.
செலவு வித்தியசம்
பிரித்தானியாவில் இளங்கலைப் பட்டப்படிப்பைப் பெறுவதற்கு இந்தியக் குடிமகனுக்கு மாணவர் விசாவிற்கு £363 (இந்திய ரூ.36,400), குடியேற்ற சுகாதார கூடுதல் கட்டணமாக சுமார் £940 (இந்திய ரூ.94,300) மற்றும் சர்வதேச மாணவர் கட்டணமாக ஆண்டுக்கு சராசரியாக £22,000 (இந்திய ரூ.22,07,000 ) செலவாகும்.
உள்நாட்டு கட்டணத்துடன் ஒப்பிடும் போது, புகலிடக் கோரிக்கையாளர்கள் தங்கள் விண்ணப்பம் பரிசீலிக்கப்படும் போது செலுத்த வேண்டும், இது £9,250 (இந்திய ரூ.9,28,000) ஆக உள்ளது. நாட்டிற்குள் ஆட்களை கடத்துவதற்கு பொறுப்பான நபர் சராசரியாக £3,500 (இந்திய ரூ. 3,50,000) வசூலிக்கிறார்.
இந்திய புகலிட விண்ணப்பங்களில் நான்கு சதவீதம் மட்டுமே அனுமதிக்கப்படுவதாகவும், மீதமுள்ளவர்கள் நாடு கடத்தப்படும் அபாயத்தில் இருப்பதாகவும் தகவல்கள் தெரிவிக்கின்றன.
பிரித்தானியாவில் விசாவைக் காலம் கடந்து தங்கியிருக்கும் புலம்பெயர்ந்தோர் எண்ணிக்கையில் இந்தியர்களே அதிகம்.