விஜய் தற்போது லோகேஷ் கனகராஜ் இயக்கத்தில் நடித்து வருகிறார். ‘லியோ’ என தலைப்பிடப்பட்டுள்ள இதன் படப்பிடிப்பு தற்போது காஷ்மீரில் நடந்து வருகிறது. இதற்காக படக்குழுவினர் அங்கு சென்றுள்ளனர். இந்த படம் குறித்த அப்டேட்கள் தொடர்ச்சியாக வெளியாகி இணையத்தில் வேறலெவலில் வைரலாகி வருகிறது.
மாஸ்டர் படத்தை தொடர்ந்து இரண்டாவது முறையாக விஜய், லோகேஷ் கனகராஜ் மீண்டும் கூட்டணி இணைந்துள்ளனர். கோலிவுட் சினிமா அதிகம் எதிர்பார்க்கும் படமாக ‘லியோ’ உருவாகி வருகிறது. இந்தப்படம் லோகேஷ் கனகராஜின் LCU எனப்படும் லோகேஷ் சினிமாட்டிக் யுனிவர்சல் இருக்குமா என்ற எதிர்பார்ப்பு ரசிகர்கள் மத்தியில் நிலவி வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தில் சஞ்சய் தத், மிஷ்கின், திரிஷா, கெளதம் மேனன், பிரியா ஆனந்த், மேத்யூ தாமஸ், அர்ஜுன், மன்சூர் அலிகான், மற்றும் சாண்டி உள்ளிட்டோர் நடிக்கின்றனர். செவன் ஸ்கீரின் ஸ்டுடியோ தயாரிக்கும் இந்தப்படத்திற்கு அனிருத் இசையமைக்கிறார். அண்மையில் வெளியான இந்தப்படத்தின் டைட்டில் ப்ரோமோ வீடியோ ரசிகர்கள் மத்தியில் அமோக வரவேற்பினை பெற்றது.
இந்நிலையில் விஜய் வம்சி பைடிபல்லி இயக்கத்தில் மீண்டும் ஒரு படத்தில் நடிக்கவுள்ளதாக தகவல்கள் வெளியாகியுள்ளன. தில் ராஜு தயாரிப்பில் கடந்த மாதம் வெளியான படம் வாரிசு. ராஷ்மிகா ஹீரோயினாக நடித்த இந்தப்படத்த்தில் சரத்குமார், ஜெயசுதா, ஷாம், எஸ்.ஜே. சூர்யா, சங்கீதா உள்ளிட்ட நட்சத்திர பட்டாளங்களே நடித்திருந்தனர். பேமிலி செண்டிமென்ட் கதையம்சம் கொண்ட படமாக ‘வாரிசு’ வெளியானது.
Thunivu Collection: வசூலில் மாஸ் காட்டும் ஏகேவின் ‘துணிவு’: வாரிசை முந்தியதா.?
கடந்த மாதம் 11 ஆம் தேதி வெளியான இந்தப்படம் உலகளவில் 300 கோடி வரை வசூல் செய்துள்ளதாக கூறப்படுகிறது. இந்நிலையில் தில் ராஜு மீண்டும் விஜய்யை வைத்து புதிய படம் ஒன்றை தயாரிக்கவுள்ளதாகவும், அந்த படத்தை வம்சியே இயக்க அதிக வாய்ப்பிருப்பதாகவும் தகவல்கள் வெளியாகியுள்ளன. ‘லியோ’ படத்தை முடித்துவிட்டு அட்லீ இயக்கத்தில் விஜய் நடிப்பார் என கூறப்படுகிறது.
Bindu Madhavi: நிர்வாணமாக நடிக்க தயார்: பிக்பாஸ் நடிகை பகீர் பேட்டி.!
இந்தப்படத்தை தொடர்ந்து வம்சி இயக்கத்தில் விஜய் நடிக்கும் படம் ‘தளபதி 69’ ஆக இருக்கும் என தகவல்கள் வெளியாகியுள்ளன. இதனால் விஜய் ரசிகர்கள் கலக்கம் அடைந்துள்ளனர். மறுபடியும் சீரியல் போல் ஒரு படம் வேண்டாம் என பதறி வருகின்றனர். ஆனால் இந்த தகவல் எதுவும் உறுதி செய்யப்படவில்லை. ‘லியோ’ படத்தை முடித்துவிட்டே விஜய் தனது அடுத்தடுத்த படங்களின் இயக்குனர்களை தேர்ந்தேடுப்பார் என்றும் கூறப்படுகிறது.