சமீபத்தில் ஒரு படப்பிடிப்பில் கலந்துகொண்டபோது நடிகை பானுப்பிரியா எனக்கு நினைவாற்றல் குறைபாடு உள்ளது என்று அதிர்ச்சி தகவலை வெளியிட்டுள்ளார்.
பானுப்பிரியா
நடிகை பானுப்பிரியா தெலுங்கு திரைப்படமான சிதாரா என்ற திரைப்படத்தின் மூலம் சினிமா உலகிற்கு அறிமுகமானார் .
25 தெலுங்கு திரைப்படங்களிலும், 30 தமிழ் திரைப்படங்களிலும் 14 இந்தி திரைப்படங்களிலும் கதாநாயகியாக நடித்துள்ளார். மலையாளத்தில் 8 படங்களில் நடித்து உள்ளார். சிறந்த பரதநாட்டிய கலைஞர் பானுப்பிரியா.
80, 90களில் தமிழ் தெலுங்கு உள்ளிட்ட மொழிகளில் அப்போதைய உச்ச நட்சத்திரங்களுக்கு ஜோடியாக நடித்து புகழ்பெற்றவர் பானுப்பிரியா.
ஹிந்தி, மலையாளம், கன்னடம் மொழிகளிலும் நடித்துள்ளார்.
கடைசியாக தமிழில் இவர் நடிப்பில் சில நேரங்களில் சில மனிதர்கள் என்ற படம் வெளியாகியிருந்தது.
திருமண வாழ்க்கை
1998 ஆம் ஆண்டில், அவர் அமெரிக்காவின் கலிபோர்னியாவில் டிஜிட்டல் கிராபிக்ஸ் பொறியாளரான ஆதர்ஷ் கவுஷலை மணந்தார்.
2003 ஆம் ஆண்டு இவர்களுக்கு அபிநயா என்ற பெண் குழந்தை பிறந்தது. 2018 இல் அவரது கணவர் மாரடைப்பால் இறந்தார். 20 வயதான அபிநயா ஒரே குழந்தை. அவர் லண்டனில் உள்ள லவுபரோ பல்கலைக்கழகத்தில் மாணவி ஆவார்.
அதன் பின் சினிமாவில் வாய்ப்புகள் குறைந்த போது, சின்னத்திரையில் முக்கிய கதாப்பாத்திரத்தி நடித்து வந்தார்.
நினைவாற்றல் குறைபாடு
இந்த நிலையில் சமீபத்திய பேட்டி ஒன்றில் தனது உடல்நிலை குறித்து அதிர்ச்சி தகவலை வெளியிட்டுள்ளார்.
அதில் பேசிய அவர், சமீப காலமாக எனக்கு உடல்நிலை சரியில்லை. நினைவாற்றலை இழந்துவிட்டேன். கற்றுக்கொண்ட சில விஷங்களை மறந்துவிட்டேன்.
பின்னர் நடனத்தில் ஆர்வம் குறைந்தது. நான் வீட்டில் நடனம் கூட பயிற்சி செய்தவில்லை.
சமீபத்தில் ஒரு படப்பிடிப்பில் கலந்துகொண்டபோது வசனங்ளைக் கூட மறந்துவிட்டேன். ஞாபகத்தில் வைத்திருக்க வேண்டியதைக் கூட மறந்துவிடுகிறேன் என்று கூறியுள்ளார்.
இந்த தகவல் இவரது ரசிகர்களை அதிர்ச்சியில் ஆழ்த்தி வருகிறது என்பது குறிப்பிடத்தக்கதாகும்.
