ரஜினி நடிக்கும் ‘ஜெயிலர்’ படப்பிடிப்பு படு தீவிரமாக நடந்து வருகிறது. நெல்சன் திலீப்குமார் இயக்கத்தில் உருவாகி வரும் இந்தப்படத்தில் பல மொழிகளை சேர்ந்த பிரபலங்கள் இணைந்து வருவதால் ரசிகர்கள் மத்தியில் உச்சக்கட்ட எதிர்பார்ப்பு ஏற்பட்டுள்ளது. இந்நிலையில் ‘ஜெயிலர்’ படப்பிடிப்பில் எடுக்கப்பட்டுள்ள ரஜினியின் புகைப்படம் இணையத்தில் தீயாய் பரவி வருகிறது.
‘ஜெயிலர்’ படத்தில் தினமும் ஒரு பிரபலம் இணைந்து வருகின்றனர். பல மொழிகளை சேர்ந்த பிரபலங்கள் இணைந்து வருவதால் பான் இந்தியா படமாக ‘ஜெயிலர்’ உருவாகி வருவதாக கூறப்படுகிறது. சிறுத்தை சிவாவின் ‘அண்ணாத்த’ படத்திற்கு பிறகு நெல்சன் இயக்கத்தில் நடித்து வருகிறார் ரஜினி. ‘அண்ணாத்த’ படம் வசூல் ரீதியாக வரவேற்பை பெற்றாலும் ரசிகர்களை முழுமையாக திருப்திபடுத்தவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனால் ‘ஜெயிலர்’ படத்தை அதிகம் எதிர்பார்த்து காத்திருக்கின்றனர் ரசிகர்கள். மேலும், கோலமாவு கோகிலா, டாக்டர் போன்ற டார்க் காமெடி படங்கள் மூலம் ரசிகர்களை கவனம் ஈர்த்த நெல்சன் திலீப்குமாருடன் முதன்முறையாக ரஜினி இணைந்துள்ளது படத்தின் மீதான எதிர்பார்ப்பை பல மடங்கு எகிற செய்துள்ளது.
Samantha: மீண்டும் சிக்கலில் சமந்தா: வருத்தத்தில் ரசிகர்கள்.!
‘ஜெயிலர்’ படப்பிடிப்பு கடந்த வருடம் பூஜையுடன் துவங்கியது. ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் நடிப்பதாக படக்குழு அதிகாரப்பூர்வ அறிவிப்பும் வெளியிட்டது. கன்னட நடிகர் சிவராஜ்குமார், மலையாள நடிகர் மோகன்லால், தெலுங்கு நடிகர் சுனில், பாலிவுட் பிரபலம் ஜாக்கி ஷெரஃப், தமன்னா உள்ளிட்டோரும் ஜெயிலரில் இணைந்துள்ளனர்.
இதன் படப்பிடிப்பு தற்போது ராஜஸ்தான் மாநிலம் ஜெய்சால்மர் நகரில் நடைபெற்று வரும் நிலையில், அங்கு ரஜினி மற்றும் மோகன்லால் சந்தித்துள்ளனர். அப்போது எடுக்கப்பட்ட புகைப்படம் தற்போது இணையத்தில் வைரலாகி வருகிறது. ஜோ ஜோஸ் பெலிச்சேரி இயக்குத்தில் மோகன்லால் நடிக்கும் ‘மலைக்கோட்டை வாலிபன்’ படத்தின் படப்பிடிப்பும் ஜெய்சால்மரில் நடைபெற்று வருவது குறிப்பிடத்தக்கது.
Chiyaan Vikram: போடு வெடிய.. விரைவில் ரிலீசாகும் ‘துருவ நட்சத்திரம்’: தாறுமாறு அப்டேட்.!