கடலூர்: கடலூர் அருகே கார் மீது அரசுப்பேருந்து மோதிய பயங்கர விபத்தில் ஒரு குழந்தை, 2 பெண்கள் உள்பட 4 பேர் பரிதாபமாக உயிரிழந்தனர். மேலும் ஒருவர் படுகாயத்துடன் மருத்துமனையில் சிகிச்சை பெற்று வருகிறார். கடலூர் மாவட்டம் வேப்பூர் அருகே ஆவட்டி கூட்டு ரோட்டில் இந்த விபத்து நடந்துள்ளது. சென்னை – திருச்சி தேசிய நெடுஞ்சலையில் இன்று காலை முன்னால் சென்ற கார் மீது அரசுப்பேருந்து மோதியது. இதனால் கட்டுப்பாட்டை இழந்த கார் மரத்தின் மீது மோதி அப்பளம் போல் நொறுங்கியது.
இந்த பயங்கர விபத்தில் காரில் பயணம் செய்த ஒரு குழந்தை, இரண்டு பெண்கள் உள்பட 4 பேர் நிகழ்விடத்திலேயே உயிரிழந்தனர். மேலும் இந்த விபத்தில் காயம் அடைந்த ஒருவர் மருத்துவமனையில் அனுமதிக்கப்பட்டுள்ளார். அவருக்கு சிசிச்சை அளிக்கப்பட்டு வருகிறது.இந்த விபத்து குறித்து தகவல் அறிந்ததும் சம்பவ இடத்திற்கு போலீசார் விரைந்தனர். தொடர்ந்து போலீசார் விபத்து தொடர்பாக வழக்குப்பதிவு செய்து விசாரணை நடத்தி வருகின்றனர்.