தமிழ் சினிமாவில் சூப்பர்ஸ்டாராக வலம் வரும் ரஜினி தற்போது நெல்சனின் இயக்கத்தில் ஜெயிலர் திரைப்படத்தில் நடித்து வருகின்றார். சன் பிக்சர்ஸ் தயாரிப்பில் உருவாகும் இப்படத்திற்கு அனிருத் இசையமைத்து வருகின்றார். சமீபகாலமாக ரஜினியின் திரைப்படங்கள் சொல்லிக்கொள்ளும் அளவிற்கு வெற்றியை பெறவில்லை.
குறிப்பாக கடைசியாக வெளியான அண்ணாத்த திரைப்படம் கடுமையான விமர்சனங்களை சந்தித்து தோல்வியடைந்தது. எனவே தற்போது நடித்துவரும் ஜெயிலர் படத்தின் மூலம் மிகப்பெரிய வெற்றியை பதிவு செய்யும் முனைப்பில் ரஜினி இருக்கின்றார்.
Rajini: ஜெயிலர் வெற்றிக்காக ரஜினி செய்த காரியம்..இதுக்கு பேர் தான் மாஸ்டர் பிளானோ..!
அந்த வகையில் ஜெயிலர் திரைப்படத்தில் மோகன்லால், ஷிவ்ராஜ்குமார் என தென்னிந்திய சூப்பர்ஸ்டார் நடிகர்களை நடிக்கவைத்து படத்தின் மீதான எதிர்பார்ப்பை அதிகரித்துள்ளார் ரஜினி. இதைத்தொடர்ந்து ஜெயிலர் திரைப்படம் தீபாவளி பண்டிகையை முன்னிட்டு திரையில் வெளியாகும் என எதிர்பார்க்கப்படுகின்றது.
கூலிங் கிளாசுடன் மாஸாக வந்த மோகன்லால்!
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் இப்படத்தை அடுத்து ரஜினி லைக்கா தயாரிப்பில் ஐஸ்வர்யா இயக்கத்தில் உருவாகும் லால் சலாம் படத்தில் நடிக்கவுள்ளார். விஷ்ணு விஷால், விக்ராந்த் ஆகியோர் இப்படத்தில் நாயகர்களாக நடிக்க ரஜினி சிறப்பு தோற்றத்தில் இப்படத்தில் நடிக்கவுள்ளார்.
ஏ.ஆர்.ரஹ்மான் இசையில் உருவாகும் இப்படத்தில் நடிக்க ரஜினி 7 நாட்கள் கால்ஷீட் கொடுத்துள்ளாராம். அதற்கு 25 கோடி ரஜினி சம்பளமாக வாங்கியுள்ளதாக தகவல் வந்துள்ளது. நாள் ஒன்றிற்கு ரஜினி கிட்டத்தட்ட நான்கு கோடி வரை லால் சலாம் படத்திற்காக சம்பளம் வாங்கவுள்ளார்.
இதன் மூலம் சிறப்பு தோற்றத்தில் நடிக்க அதிக சம்பளம் வாங்கிய ஒரே நடிகர் என்ற சாதனையை ரஜினி படைத்துள்ளார். இந்நிலையில் லைக்கா தயாரிப்பில் ரஜினி மற்றுமொரு படத்தில் நடிக்க இருக்கின்றார். அதற்கான இயக்குனர் தேர்வு தற்போது விறுவிறுப்பாக நடைபெற்று வருகின்றது என்பது குறிப்பிடத்தக்கது.