காதலர் தினத்திற்கு இரண்டு நாட்களுக்கு முன்பு தன் காதலியை பெற்றோர் சம்மதத்துடன் திருமணம் செய்து கொண்டிருக்கிறார் இயக்குநர் பி.எஸ். மித்ரன்.
மித்ரன்விஷாலின் இரும்புத்திரை படம் மூலம் இயக்குநர் ஆனவர் பி.எஸ். மித்ரன். கதையை வித்தியாசமாக சொல்வதற்கு பெயர் போனவர் மித்ரன். சிவகார்த்திகேயனை வைத்து ஹீரோ படத்தை கொடுத்தார். கார்த்தியை வைத்து மித்ரன் இயக்கிய சர்தார் படம் சூப்பர் ஹிட்டானது. மூன்று படங்களை கொடுத்த நிலையில் காதலியை மணந்து செட்டில் ஆகிவிட்டார் பி.எஸ். மித்ரன்.
திருமணம்சினிமா பத்திரிகையாளரும், விமர்சகருமான ஆஷாமீரா ஐயப்பனை காதலித்து வந்தார் பி.எஸ். மித்ரன். கடந்த ஆண்டு ஜூன் மாதம் அவர்களுக்கு நிச்சயதார்த்தம் நடந்தது. இந்நிலையில் பிப்ரவரி 12ம் தேதி தஞ்சாவூரில் மித்ரன், அஷமீராவின் திருமணம் நல்லபடியாக நடந்தது. இயக்குநர்கள் ரத்னகுமார், ரவிக்குமார் உள்ளிட்டோர் மித்ரனின் திருமண நிகழ்ச்சியில் கலந்து கொண்டு அவர்களை வாழ்த்தினார்கள். திருமணம் மற்றும் வரவேற்பு நிகழ்ச்சிகளின்போது எடுக்கப்பட்ட புகைப்படங்கள் சமூக வலைதளங்களில் வெளியாகியுள்ளது. அதை பார்த்த திரையுலக பிரபலங்களும், ரசிகர்களும் வாழ்த்திக் கொண்டிருக்கிறார்கள்.
காதலர் தினம்பிப்ரவரி 14ம் தேதி திருமணம் செய்திருந்தால் செமயாக இருந்திருக்குமே மித்ரன் என ரசிகர்கள் சிலர் தெரிவித்துள்ளனர். எது எப்படியோ காதலியே மனைவியாக கிடைத்துவிட்டார். சந்தோஷம். ஆஷாமீராவும், நீங்களும் என்றும் சந்தோஷமாக வாழ வாழ்த்துக்கள் என ரசிகர்கள் சமூக வலைதளங்களில் தெரிவித்துள்ளனர்.
ஏ.கே. 62கெரியரை பொறுத்தவரை அஜித் குமார் நடிக்கவிருக்கும் ஏ.கே. 62 படத்திற்கு பி.எஸ். மித்ரன் தான் கதை என்று கூறப்படுகிறது. மித்ரனின் கதையை மகிழ்திருமேனி இயக்குவாராம். ஆனால் அதிகாரப்பூர்வ அறிவிப்பு வெளியானால் தான் இது உண்மையா என்பது தெரிய வரும். முன்னதாக ஏ.கே. 62 படத்தை விக்னேஷ் சிவன் இயக்குவதாக அறிவித்தார்கள். கதை பிடிக்கவில்லை என விக்னேஷ் சிவனை அண்மையில் படத்தின் இருந்து நீக்கிவிட்டார்கள் என்பது குறிப்பிடத்தக்கது.
சூர்யா, கார்த்திபி.எஸ். மித்ரன், அஷமீராவின் திருமணத்தின்போது எடுக்கப்பட்ட புகைப்படத்தை ட்விட்டரில் வெளியிட்டு ஞானவேல் ராஜாவின் ஸ்டுடியோ கிரீன் நிறுவனம் வாழ்த்து தெரிவித்துள்ளது. மித்ரனுக்கு சூர்யா மற்றும் கார்த்தியின் ரசிகர்கள் வாழ்த்து தெரிவித்து வருகிறார்கள். மீண்டும் கார்த்தியுடன் சேர்ந்து படம் பண்ணுமாறு ரசிகர்கள் கோரிக்கை விடுத்துள்ளனர்.
வாழ்த்துக்கள்
விஷால்மித்ரனின் திருமண புகைப்படங்களை பார்த்த விஷால் ரசிகர்களோ, அண்ணா உங்களுக்கு எப்பொழுது திருமணம் நடக்கும். சட்டுபுட்டுனு ஒரு கல்யாணம் செய்து அண்ணியை அறிமுகம் செய்யுங்கள் என தெரிவித்துள்ளனர். விஷாலுக்கு நிச்சயதார்த்தம் நடந்து திருமணம் நின்றுவிட்டது. அதன் பிறகு விஷால் சத்தமில்லாமல் வேலையை மட்டும் பார்த்துக் கொண்டிருக்கிறார்.