மகளிர் ரி 20 உலகக் கிண்ண கிரிக்கெட்டில் அரையிறுதிக்கு தகுதி பெற அயர்லாந்து, இந்திய மகளிர் அணிகள் இன்று (20) விளையாடுகின்றன.
மகளிர் ரி 20 உலகக் கிண்ண கிரிக்கெட்டில் ‘பி’ பிரிவில் அங்கம் வகிக்கும் இந்திய அணி தனது முதல் இரு ஆட்டங்களில் பாகிஸ்தான் மற்றும் மேற்கிந்திய தீவுகள் அணிகளை வெற்றி கொண்டது.
இதேவேளை இந்திய அணி இங்கிலாந்துக்கு எதிரான ஆட்டத்தில் 11 ஓட்டங்கள் வித்தியாசத்தில் தோல்வியை தழுவியது. இதனால் இந்தியா 2 வெற்றி, ஒரு தோல்வி என்று புள்ளி பட்டியலில் 4 புள்ளியுடன் 2 ஆவது இடத்தில் இருக்கிறது.
இந்நிலையில் அரையிறுதிக்கு தகுதி பெற ஹர்மன்பிரீத் கவுர் தலைமையிலான இந்திய அணி தனது கடைசி லீக்கில் இன்று (20) மாலை 6.30 மணிக்கு அயர்லாந்தை எதிர்கொள்கிறது.
இதேவேளை குழு ஏயில் இடம்பெற்றுள்ள அவுஸ்திரேலிய அணி மகளிர் ரி20 உலகக் கிண்ண அரையிறுதி போட்டிக்கு முதல் அணியாக தகுதி பெற்றுள்ளது.