ஈரோடு கிழக்கு இடைத்தேர்தலில் வெற்றி பெற ஆளுங்கட்சி ஓட்டுக்கு 6 ஆயிரம் தர திட்டமிட்டுள்ளதாம். அதுபோக, தினமும் தலைக்கு 1000 ரூபாய், அசைவ பிரியாணி மற்றும் வீட்டுக்கு ஒரு குக்கர் என பட்டப்பகலிலேயே பட்டுவாடா நடக்கும் வீடியோ காட்சிகள் சமூக வலைத்தளங்களில் வைரலாகி வருகிறது.
இது தேர்தல் தானா? அப்படியென்றால் தேர்தல் ஆணையம் என்னதான் செய்து கொண்டிருக்கிறது என்ற கேள்விகள் எழுகின்றன. இந்த நிலையில், ஈரோடு களத்தில் போட்டியிடும் அரசியல் கட்சிகளை குறித்த காணொளிகள், புகைப்படங்களை வேடிக்கையாக ஷேர் செய்து வருகின்றனர்.
அதிமுக கொடியை ஆட்டுக்குட்டிகள் சில வாயில் கவ்வி தின்ணும் புகைப்படத்தை வெளியிட்டுள்ளார் நாம் தமிழர் கட்சியை சேர்ந்த இடும்பாவனம் கார்த்திக்.
திமுக
, அதிமுக, பாஜக, காங்கிரஸ், தேமுதிக என அனைத்து கட்சிகளையும் விமர்சிக்கும் ஒரே கட்சியாக நாம் தமிழர் கட்சி உள்ளது. இந்த இடைத்தேர்தலிலும், தனித்தே போட்டியிடுகிறது. இந்த நிலையில், அதிமுக கொடியை தின்ணும் ஆட்டுக்குட்டி என்று இவர் யாரை மறைமுகமாக சொல்கிறார் என்று தெரியவில்லை.
நேற்றுகூட ஈரோடு கிழக்கு தொகுதியில் காங்கிரசுக்கு ஆதரவாக பிரச்சாரம் செய்த ப. சிதம்பரம், எடப்பாடி பழனிசாமி கழுத்தில் பாஜகவின் நச்சுப் பாம்பு சுற்றியுள்ளது என்று விமர்சித்திருந்தார். இப்படி அதிமுகவுக்கு எதிரான கட்சிகள்கூட எடப்பாடி பழனிசாமிக்கு அறிவுரை வழங்க தொடங்கிவிட்டனர்.
ஈரோடு கிழக்கு வெட்டுக்காட்டு வலசு பகுதியில் வீட்டுக்குவீடு திமுகவினர் வெளிப்படையாக குக்கர் கொடுத்து வருவதாக புகார் எழுந்துள்ளது. ஓட்டுக்கு ரூ4000, வீட்டுக்கு வீடு கோழி கறி, மளிகை சாமான், இந்த வரிசையில் இன்று குக்கர் என்று பட்டியல் போட்டு வீடியோ வெளியிட்டுள்ளனர்.
ஈரோடு கிழக்கு பகுதி வாக்காளர்கள் குக்கர் பெற்றுக்கொள்ள டோக்கன் வழங்கப்பட்டுள்ளதாம். குக்கர் கொடுக்கப்படும் குடோனையும் வீடியோ எடுத்து வெளியிட்டுள்ளனர். அதில், ஈரோடு கிழக்கு செங்கோடம்பாளையம் சக்தி நகர் டென்னிஸ் கோர்ட் எதிரில் உள்ள வீதியில் குமாரசாமி வீட்டில் இருந்து திமுகவினர் குக்கர் வினியோகம் செய்து வருவதாக கூறப்பட்டுள்ளது.