அஜித் குமாரின் ஏ.கே. 62 படத்தில் இருந்து விக்னேஷ் சிவன் நீக்கப்பட்டார். இதையடுத்து அந்த படத்தில் இருந்து அனிருத் விலகவிட்டார் என தகவல் வெளியானது. விக்னேஷ் சிவனின் நெருங்கிய நண்பர் என்பதால் அவர் நீக்கப்பட்டதும் அஜித் படத்தில் இருந்து அனிருத் கிளம்பிவிட்டார் என்று பேச்சு கிளம்பியது.
AK 62:ஏ.கே. 62 படத்தில் யார் இருக்கார்னு பாருங்க: அவரே கொடுத்த மாஸ் அப்டேட்
இந்நிலையில் சந்தோஷ் நாராயணன் இன்ஸ்டாகிராமில் போட்ட போஸ்ட்டை பார்த்தவர்களோ, ஏ.கே. 62 படத்தின் இசையமைப்பாளர் சநா தான் போன்று. அதனால் தான் மனிதர் இந்த அளவுக்கு சந்தோஷமாக இருக்கிறார் என்றார்கள். ஆனால் அவர் எதற்காக அப்படி போஸ்ட் போட்டார் என ரசிகர்கள் தற்போது வியக்கிறார்கள்.
ஏ.கே. 62 படத்தை மகிழ் திருமேனி தான் இயக்கவிருக்கிறார். துணிவு படத்தின் ஒளிப்பதிவாளரான நீரவ் ஷா தான் ஏ.கே. 62 படத்திலும் வேலை செய்யப் போகிறார்.
லைகா நிறுவனம் தயாரிக்கும் ஏ.கே. 62 படத்தில் அஜித் குமாருக்கு வில்லனாக அருண் விஜய் நடிக்கவிருக்கிறார் என்று கூறப்பட்டது. மேலும் அருள்நிதியும் அஜித் படத்தில் நடிக்கப் போகிறார் என்று பேசப்பட்டது. ஆனால் அருண் விஜய்யும், அருள்நிதியும் ஏ.கே. 62 படத்தில் நடிக்கவில்லையாம்.
AK62 update:சத்தமில்லாமல் அஜித் ஆபீஸில் நடந்த ஏ.கே. 62 பட பூஜை: இயக்குநர் யார் தெரியுமா?
பெரும் பொருட்செலவில் எடுக்கப்படவிருக்கும் ஏ.கே. 62 படத்தின் பூஜை பிப்ரவரி 20ம் தேதி அஜித் குமாரின் அலுவலகத்தில் சத்தமில்லாமல் நடந்துவிட்டதாம். படப்பிடிப்பை மார்ச் மாதம் துவங்க முடிவு செய்திருக்கிறார்கள்.
எல்லாம் சரி, ஆனால் அதிகாரப்பூர்வ அறிவிப்பு மட்டும் ஏன் இன்னும் வரவில்லை என்று கேட்கிறீர்களா?. முன்னதாக விக்னேஷ் சிவன் இயக்குவார் என அறிவித்தபோது பயன்படுத்திய ஏ.கே. 62 தலைப்பை மீண்டும் பயன்படுத்த லைகா நிறுவனம் விரும்பவில்லையாம்.
எனவே, நச்சுனு ஒரு தலைப்புடன் அஜித் படம் குறித்து அதிகாரப்பூர்வ அறிவிப்பு வெளியிடுவார்களாம். அந்த அறிவிப்பு மார்ச் மாதம் முதல் வாரத்தில் வெளியாகும் என்று எதிர்பார்க்கப்படுகிறது.
ஏ.கே. 62 படத்தில் இருந்து அனிருத் விலகவில்லை என்கிற தகவல் அறிந்த ரசிகர்களுக்கு ஒரு ஆசை ஏற்பட்டிருக்கிறது. அதாவது ஏ.கே. 62 படத்தில் அஜித் குமாருக்கு ஜோடியாக த்ரிஷாவை நடிக்க வைக்க விக்னேஷ் சிவன் முடிவு செய்ததாக கூறப்பட்டது. அதன் பிறகு நயன்தாரா சொல்லி த்ரிஷா வேண்டாம் என்று முடிவு எடுத்தார் விக்கி என்றார்கள்.
தற்போது விக்னேஷ் சிவனே படத்தில் இல்லை என்பதால் த்ரிஷாவை ஹீரோயினாக்குவாரா மகிழ் திருமேனி என ரசிகர்கள் கேள்வி எழுப்பியுள்ளனர்.
14 ஆண்டுகள் கழித்து விஜய்யுடன் சேர்ந்து லியோ படத்தில் நடித்து வருகிறார் த்ரிஷா. அதே போன்று மீண்டும் அஜித்துக்கு ஜோடியாக நடிப்பாரா என்பதே கேள்வி.
விஜய்க்கு மட்டும் அல்ல அஜித்துக்கும் ராசியான ஹீரோயின் என பெயர் எடுத்தவர் த்ரிஷா. அதனால் அவரையே ஏ.கே. 62 படத்தில் நடிக்க வைக்க வேண்டும் என ரசிகர்கள் கோரிக்கை விடுத்துள்ளனர். ரசிகர்களின் கோரிக்கை நிறைவேறுமா என்பதை பொறுத்திருந்து பார்ப்போம்.