கடந்தாண்டு வெளியான ‘பொன்னியின் செல்வன்’ படத்தில் அருள்மொழிவர்மனாக நடித்திருந்தார் ஜெயம் ரவி. கல்கியின் பிரபலமான நாவலை அதே பெயரில் படமாக இயக்கினார் மணிரத்னம். மிகுந்த எதிர்பார்ப்புகளுக்கு மத்தியில் பிரம்மாண்ட பொருட்செலவில் கடந்த வருடம் வெளியான ‘பொன்னியின் செல்வன்’ முதல் பாகம் அமோக வரவேற்பை பெற்று வசூலை குவித்தது.
இந்தப்படத்தின் இரண்டாம் பாகத்தை ரிலீஸ் செய்யும் பணிகளில் தற்போது படக்குழுவினர் தீவிரமாக இறங்கியுள்ளனர். விக்ரம், கார்த்தி, திரிஷா, ஐஸ்வர்யா ராய், சரத்குமார், பார்த்திபன் உள்ளிட்ட மல்டி ஸ்டார் நடிப்பில் வெளியாகியுள்ள பொன்னியின் செல்வன் இரண்டாம் பாகத்தில் ஜெயம் ரவி அருள்மொழிவர்மனாக முக்கிய கதாபாத்திரத்தில் நடித்துள்ளார். மணிரத்னமின் மெட்ராஸ் டாக்கீஸ் நிறுவனமும், லைகாவும் இணைந்து இந்தப்படத்தை தயாரித்துள்ளனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தின் ரிலீஸ் வேலைகள் மும்முரமாக நடைபெறும் நிலையில் ஜெயம் ரவியின் அடுத்த புதிய குறித்த அப்டேட் வெளியாகி இணையத்தை கலக்கி வருகிறது. பூலோகம் பட இயக்குனர் கல்யாண் கூட்டணியில் ஜெயம் ரவி இணைந்துள்ள புதிய படம் ‘அகிலன்’. இந்தப்படம் கடற்கொள்ளையை மையமாக வைத்து உருவாகியுள்ளதாக கூறப்படுகிறது.
‘அகிலன்’ படத்தில் ஜெயம் ரவி ஜோடியாக ப்ரியா பவானி சங்கர் நடித்துள்ளார். இவர்களுடன் தன்யா ரவிச்சந்திரன், ஹரிஸ் உத்தமன் உள்ளிட்டோர் முக்கியமான கதாபாத்திரத்தில் நடித்துள்ளனர். இதன் படப்பிடிப்பு ஏற்கனவே நிறைவடைந்து ரிலீஸ் தேதி அறிவிக்கப்படாமலே இருந்தது. இந்தப்படத்தில் 2000 கண்டெய்னர்கள் இடம்பெறும் காட்சிகள் உள்ளதால், அதற்கான சான்றிதழ் வாங்க தாமதமானதாக கூறப்பட்டது.
ரஜினியில் ‘ஜெயிலர்’ படத்தில் சிவகார்த்திகேயனா.?: வெளியான உண்மை தகவல்.!
இந்நிலையில் ‘அகிலன்’ படம் வருகிற மார்ச் 10ஆம் தேதி ரிலீசாகவுள்ளதாக படக்குழு அதிகாரப்பூர்வமாக அறிவித்துள்ளது. இந்தப்படத்தின் டிஜிட்டல் மற்றும் சேட்டிலைட் உரிமைகளை ஜீ நெட்வொர்க் நிறுவனம் கைப்பற்றியுள்ளது. மேலும் இந்தப்படத்திற்கு சாம் சிஎஸ் இசையமைத்துள்ளார்.
Leo:’லியோ’ படத்தில் விஜய் சேதுபதியா..?: உண்மையை புட்டு புட்டு வைத்த பிரபலம்.!
ஜெயம் ரவி அடுத்ததாக ‘இறைவன்’ என்ற படத்தில் நடித்து வருகிறார். இந்தப்படத்தை என்றென்றும் புன்னகை, மனிதன் படங்களின் இயக்குனர் அஹமத் இயக்குகிறார். ‘இறைவன்’ படத்தில் ஜெயம் ரவி ஜோடியாக நயன்தாரா நடிக்கிறார். மேலும் ‘பொன்னியின் செல்வன் 2’ படம் ஏப்ரல் 28 ஆம் ரிலீசாகவுள்ளது. ஜெயம் ரவி படங்கள் அடுத்தடுத்த மாதங்கள் ரிலீஸ் ஆகவுள்ளது அவரது ரசிகர்கள் மத்தியில் கொண்டாட்டத்தை ஏற்படுத்தியுள்ளது.