அருமையான அயோக்கியன்! விக்ரமனை வைத்து அசீமை கடுப்பேற்றும் குரேஷி
பிக்பாஸ் டைட்டில் வின்னரான அசீம் எந்த நிகழ்ச்சிக்கு சென்றாலும் பல்பு வாங்கி வருகிறார். அதிலும், எந்த தொலைக்காட்சி நிகழ்ச்சியில் டைட்டில் பட்டம் வென்றாரோ, அதே தொலைக்காட்சியிலேயே அசீமை கலாய்த்துள்ளனர். விஜய் டிவியின் காமெடி ஷோவான ஊ சொல்றியா? ஊஊ சொல்றியா? நிகழ்ச்சியில் இந்த வாரம் அசீம், தனலெட்சுமி ஆகிய இருவரும் கலந்துகொண்டுள்ளனர். அப்போது அவரை வம்பிழுக்கும் குரேஷி அசீமை 'நீ அருமையான அயோக்கியன்' என முதலில் கிண்டலடிக்கிறார்.
அதற்கு கடுப்பாகி அசீம் குரேஷி அருகில் செல்ல மீண்டும் 'விக்ரமன்ஸ் ஃபேன்ஸ் மீட்டிங்கில் கடைசி வரிசையில் தனியா உட்கார்ந்து வந்தீங்களாமே' என மீண்டும் அவரை கலாய்க்கிறார். அதன்பிறகு குரேஷி அதை சமாளித்து காமெடியாக மாற்றிவிட்டாலும், அவர் அசீமை வறுத்தெடுத்த அந்த புரோமோ வீடியோ இணையத்தில் வைரலாகி வருகிறது. அசீம் கலந்துகொண்ட இந்த காமெடியான எபிசோடு ஞாயிறு இரவு 8 மணிக்கு ஒளிபரப்பாகிறது.