லோகேஷ் கனகராஜ் இயக்கத்தில் விஜய் நடித்த மாஸ்டர் திரைப்படம் வசூல் ரீதியாகவும் விமர்சன ரீதியாகவும் பெரிதும் பேசப்பட்டது. மாஸ்டர் திரைப்படம் சுமார் 200 கோடி ரூபாய்க்கு மேல் வசூல் செய்தது. இதனை தொடர்ந்து தனது 67 வது படத்தை இயக்கும் வாய்ப்பை மீண்டும் லோகேஷ் கனகராஜ்க்கு கொடுத்தார் விஜய். இதையடுத்து விஜய்யை வைத்து லியோ படத்தை இயக்கி வருகிறார் லோகேஷ் கனகராஜ்.
Ajith, AK62: அஜித் நடிக்கும் ஏகே 62 டைட்டில் இதுதானா? லீக்கான தகவல்!
லியோ படத்தில விஜய்க்கு ஜோடியாக நடிகை த்ரிஷா நடிக்கிறார். இதன் மூலம் 14 ஆண்டுகளுக்கு பிறகு விஜய்யும் த்ரிஷாவும் மீண்டும் இணைந்து நடிக்கின்றனர். மேலும் இப்படத்தில் பாலிவுட் நடிகர் சஞ்ஜய் தத், அர்ஜுன், மிஷ்கின், மேத்யூ தாமஸ், கவுதம் மேனன், மன்சூர் அலிகான், பிரியா ஆனந்த், சாண்டி மாஸ்டர் உள்ளிட்ட பலர் நடிக்கின்றனர்.
இப்படத்தின் படப்பிடிப்பு காஷ்மீரில் விறுவிறுப்பாக நடைபெற்று வருகிறது. அவ்வப்போது படப்பிடிப்பு தளத்தில் இருந்து சில போட்டோக்களை படக்குழுவினர் ஷேர் செய்து வருகின்றனர். அந்த வகையில் சமீபத்தில் படக்குழுவினர் வெளியிட்ட கேம்ப் ஃபயர் போட்டோ பெரும் வைரலானது. இந்நிலையில் விஜய் மற்றும் த்ரிஷாவின் புதிய போட்டோ தற்போது வெளியாகியுள்ளது.
Lokesh Kanagaraj, Leo: அசுர வளர்ச்சி… பல கோடி ரூபாயில் புதிய அப்பார்ட்மெண்ட் வாங்கிய லோகேஷ் கனகராஜ்!
விஜய்யும் த்ரிஷாவும் படப்பிடிப்புக்காக ஸ்பைஸ் ஜெட் விமானத்தில் சென்றுள்ளனர். அப்போது ஸ்பைஸ் ஜெட் பைலட்டுடன் அவர்கள் இருவரும் எடுத்துக்கொண்ட போட்டோவை ஸ்பைஸ் ஜெட் நிறுவனம் தங்களின் டிவிட்டர் பக்கத்தில் வெளியிட்டுள்ளது. அதில் நடிகர் விஜய் தலை நிறைய முடி, முகத்தில் தாடி, ஸ்பெக்ஸ் என சாதாரணமாக உள்ளார். நடிகை த்ரிஷா மாடர்ன் உடையில் கூலர்ஸ் ஃபிரி ஹேர் என கலக்கலாக உள்ளார்.
Ravindar Chandrasekaran:’உன்கூட வாழுற யானைக்குட்டி நான்’.. பொண்டாட்டியிடம் வழியும் ரவீந்தர்!
இந்த போட்டோவை தங்களது டிவிட்டர் பக்த்தில் ஷேர் செய்துள்ள ஸ்பைஸ் ஜெட் நிறுவனம், சரியான ‘தெறி’ஃபிக் காம்பினேஷன் என விஜய் மற்றும் த்ரிஷாவின் ஹேண்டில்களை டேக் செய்துள்ளனர். எங்களை தேர்வு செய்ததற்கு நன்றி. உங்கள் பயணத்தில் ஒரு பகுதியாக இருப்பதில் மகிழ்ச்சி அடைகிறோம் என குறிப்பிட்டுள்ளனர். இந்த போட்டோ தற்போது வைரலாகி வருகிறது. இதனை பார்த்த ரசிகர்கள் இந்த காம்பினேஷனை ஆன் ஸ்க்ரீனில் பார்க்க காத்திருக்க முடியவில்லை என கூறி வருகின்றனர்.
விஜய்யும் த்ரிஷாவும், கில்லி, ஆதி, திருப்பாச்சி மற்றும் குருவி ஆகிய படங்களில் இணைந்து நடித்துள்ளனர். தற்போது 14 வருடங்களுக்கு பிறகு இருவரும் மீண்டும் இணைந்து நடிக்கின்றனர். காதலர் தினத்தை முன்னிட்டு நடிகை த்ரிஷா தனது உதவியாளர்களுடன் சேர்ந்து காஷ்மீரில் இருந்து எடுத்த போட்டோக்களை வெளியிட்டு காதலர் தின வாழ்த்து கூறியிருந்தது குறிப்பிடத்தக்கது.
Devayani: தேவயானிக்கு அவ்வளவு டார்ச்சர் கொடுத்தார்… பிரபல இயக்குநரை கிழித்து தொங்கவிட்ட விஜயலட்சுமி!