லோகேஷ் கனகராஜ் இயக்கத்தில் நடிகர் விஜய் இரண்டாவது முறையாக நடித்து வரும் திரைப்படம் லியோ. இந்தப் படத்தில் நடிகர் விஜய்யுடன் பெரும் நட்சத்திர பட்டாளமே நடித்து வருகிறது. த்ரிஷா, பாலிவுட் நடிகர் சஞ்சய் தத், ஆக்ஷன் கிங் அர்ஜுன், இயக்குநர்கள் மிஷ்கின், கவுதம் மேனன் நடிகை பிரியா ஆனந்த் என ஒரு பெரும் நட்சத்திர கூட்டமே காஷ்மீரில் முகாமிட்டுள்ளது.
Amala Paul: ஈரம் சொட்ட சொட்ட… குளியல் போட்டோக்களை வெளியிடும் அமலா பால்!
அக்டோபர் மாதம் 19ஆம் தேதி படத்தை ரிலீஸ் செய்ய தேதி குறிக்கப்பட்டுள்ளது. இதனால் படப்பிடிப்பு விறுவிறுப்பாக நடைபெற்று வருகிறது. கடும் குளிரையும் பனிப் பொழிவையும் பொருட்படுத்தாமல் படப்பிடிப்பை நடத்தி வருகின்றனர். குறிப்பாக லியோ படம் பனிப்பொழிவில் நடக்கும் கதை அம்சத்தை கொண்டிருப்பதால் பனிப்பொழிவு சீசனிலேயே படப்பிடிப்பை முடிக்க திட்டமிட்டுள்ளனர்.
இந்நிலையில் லியோ படத்தின் படப்பிடிப்பு குறித்த தகவல் வெளியாகியுள்ளது. அதன்படி காஷ்மீரில் நடைபெற்று வரும் லியோ படத்தின் ஷூட்டிங் வரும் மார்ச் 30 ஆம் தேதியுடன் நிறைவு பெறவுள்ளதாக தகவல் வெளியாகியுள்ளது. மேலும் எஞ்சிய படப்பிடிப்பு சென்னையில் நடைபெறும் என்றும் அந்தப் படப்பிடிப்பி மே மாதத்தில் நிறைவடையும் என்றும் தகவல் வெளியாகியுள்ளது.
Vijay, Leo: அச்சச்சோ… இப்படி வேற கிளப்பிவிடுறாங்களே… பீதியில் விஜய் ரசிகர்கள்!
மே மாதத்திற்குள் படப்பிடிப்பை முடித்தால்தான் எடிட்டிங், டப்பிங் என போஸ்ட் புரடெக்ஷன் பணிகளை முடித்து அக்டோபர் மாதத்தில் படத்தை ரிலீஸ் செய்ய முடியும் என்பதால் ஒரு நாளை கூட வீணடிக்காமல் போட்ட ஷெட்யூல் படி வேலை செய்து வருகிறார்களாம் படக்குழுவினர். லியோ படத்தின் ஷூட்டிங் குறித்த அப்டேட்டால் ஹேப்பியாகியுள்ளனர் விஜய் ரசிகர்கள்.
லியோ திரைப்படம் போதை பொருட்களை மைய்யப்படுத்தி உருவாகி வருகிறது. இந்தப் படத்தில் நடிகர் கமல்ஹாசன் முக்கிய கதாப்பாத்திரத்தில் நடிக்கவுள்ளதாகவும் தகவல் வெளியாகி வருகிறது. முதலில் சிறப்பு தோற்றத்தில் நடிப்பதாக கூறிய கமல், படத்தின் டீஸரை பார்த்த பிறகு லியோ படத்தில் 20 நிமிட காட்சிகளில் நடிக்க வேண்டும் என கேட்டுக் கொண்டதாக தகவல் வெளியானது குறிப்பிடத்தக்கது.
Lokesh Kanagaraj, Leo: அசுர வளர்ச்சி… பல கோடி ரூபாயில் புதிய அப்பார்ட்மெண்ட் வாங்கிய லோகேஷ் கனகராஜ்!